Sanebimɔ He

◼ Ani fɔlɔi enyɔ lɛ fɛɛ aaanyɛ abu be ni amɛkɛfeɔ weku nikasemɔ lɛ he akɔntaa?

Eyɛ mli akɛ tsɛmɛi ji mɛi titri ni amɛbii atsɔsemɔ he sɔ̃ kã amɛnɔ akɛ amɛtsɔse amɛ “yɛ Nuŋtsɔ lɛ tsɔsemɔ kɛ ŋaawoo lɛ mli” moŋ, shi fɔlɔi enyɔ lɛ fɛɛ náa bii lɛ atsɔsemɔ mli gbɛfaŋnɔ. (Efe. 6:4) Biblia lɛ woɔ bii ahewalɛ akɛ: “Mibi, bo otsɛ tsɔsemɔ lɛ toi, ni kaashɛ onyɛ mla lɛ ofɔ.” (Abɛi 1:8) Nɔ kome ni he hiaa jogbaŋŋ yɛ tsɔsemɔ ni fɔlɔi kɛhaa amɛbii lɛ amli ji weku Biblia mli nikasemɔ.

Be ko ni eho lɛ, kɛ́ fɔlɔi enyɔ lɛ fɛɛ po kɛ amɛbii ni abaptisiko amɛ lɛ kase nii lɛ, fɔlɔ ni kwɛɔ weku nikasemɔ lɛ nɔ lɛ pɛ buɔ be ni akɛ bii lɛ kaseɔ nii lɛ he akɔntaa. Shi amrɔ nɛɛ aaafee tsakemɔ yɛ enɛ mli. Kɛ́ beni afeɔ weku nikasemɔ lɛ, fɔlɔi enyɔ lɛ fɛɛ fee ekome kɛtsɔɔ gbekɛbii lɛ anii lɛ, amɛyi enyɔ lɛ fɛɛ baabu nɔ ni faaa fe ŋmɛlɛtswaa kome yɛ otsi mli akɛ ŋmɛlɛtswaa ni amɛye kɛshiɛ. Ekã shi faŋŋ akɛ bei pii lɛ, fɔlɔi kɛ nɔ ni fa fe ŋmɛlɛtswaa kome yɛ otsi lɛ mli tsɔɔ amɛbii lɛ anii. Mɔdɛŋbɔɔ he miihia daa yɛ fɔlɔi enyɔ lɛ fɛɛ agbɛfaŋ yɛ amɛbii lɛ atsɔsemɔ mli. (5 Mose 6:6-9) Shi kɛlɛ, esa akɛ daa nyɔɔŋ nɔ shiɛmɔyaa he akɔntaabuu lɛ afee nii ní atsu yɛ shiɛmɔ nitsumɔ lɛ mli titri. No hewɔ lɛ, kɛ́ nikasemɔ lɛ ye nɔ ni fa fe ŋmɛlɛtswaa kome jio, afee fe shikome yɛ otsi lɛ mli jio, loo akɛ bii lɛ kase nii yɛ bei srɔtoi amli jio lɛ, esaaa akɛ abuɔ nɔ ni fa fe ŋmɛlɛtswaa kome yɛ otsi mli. Otsi fɛɛ otsi ni abaafee weku nikasemɔ lɛ, fɔlɔ kome pɛ baaŋma Biblia mli nikasemɔ kome kɛ sɛɛkuu-kɛsaramɔ kome.