Nɔ ni Esa akɛ Owie yɛ Woji Tɛtrɛbii lɛ Ahe

The Watchtower November 1

“Etamɔ nɔ ni wekui babaoo yɛ nɔnyɛɛ shishi. Kɛ́ weku mlibii kase nɔ ni awie yɛ Yesu he yɛ ŋmalɛ nɛɛ mli lɛ, te osusuɔ akɛ ebaaná amɛshihilɛ nɔ hewalɛ eha tɛŋŋ? [Kanemɔ Mateo 20:28. No sɛɛ lɛ ŋmɛɛ gbɛ ni eha hetoo.] Sane ni yɔɔ biɛ lɛ wieɔ nibii enumɔ ni wekui baanyɛ akase kɛjɛ Yesu nɔkwɛmɔnɔ lɛ mli lɛ he.” Okɛ sane ni jeɔ shishi yɛ baafa 16 lɛ atsɔɔ lɛ.

Awake! November

“Ani onaa jamɔ akɛ ehaa suɔmɔ kɛ toiŋjɔlɛ hiɔ shi aloo ehaa hetsɛ̃ kɛ awuiyeli baa? [Ŋmɛɛ gbɛ ni eha hetoo.] Etamɔ nɔ ni mɛi babaoo kɛ Yesu wiemɔi nɛɛ tsuuu nii. [Kanemɔ Mateo 5:44, 45.] Sane ni yɔɔ biɛ lɛ haa sanebimɔ ni ji, ‘Ani mɔ ko baanyɛ asumɔ ehenyɛlɔi’ lɛ hetoo?” Okɛ sane ni jeɔ shishi yɛ baafa 10 lɛ atsɔɔ lɛ.

The Watchtower December 1

“Ani osusuɔ akɛ Nyɔŋmɔ baafo amanehulu ni yaa nɔ yɛ je lɛ mli lɛ sɛɛ gbi ko? [Ŋmɛɛ gbɛ ni eha hetoo.] Kwɛmɔ shiwoo ko ni Biblia lɛ kɛhaa ní haa wɔnáa hiɛnɔkamɔ. [Kanemɔ ŋmalɛi ni yɔɔ akrabatsa ni yɔɔ baafa 7 lɛ mli lɛ ateŋ ekome.] Wolo tɛtrɛɛ nɛɛ haa wɔleɔ nɔ ni Biblia lɛ kɛɔ yɛ be ni Nyɔŋmɔ baafo amanehului fɛɛ asɛɛ, kɛ gbɛ nɔ ni ebaatsɔ etsu he nii.”

Awake! December

“Mɛi komɛi heɔ amɛyeɔ akɛ abɔ je lɛ, ni mɛi krokomɛi hu heɔ amɛyeɔ akɛ eba trukaa, ní yiŋtoo pɔtɛɛ ko bɛ sɛɛ. Te bo hu osusuɔ tɛŋŋ? [Ŋmɛɛ gbɛ ni eha hetoo.] Kwɛmɔ nɔ ni Biblia lɛ kɛɔ yɛ sane nɛɛ he. [Kanemɔ Hebribii 3:4.] Wolo tɛtrɛɛ nɛɛ tsɔɔ bɔ ni fee ni je lɛ ba, kɛ yiŋtoo hewɔ ni afee lɛ mli jogbaŋŋ.”