Ani Ofee Klalo Akɛ Obaalá Kɛjie Yehowa Yi yɛ Wɔkpeei lɛ Ashishi?
1 Kɛ́ wɔmiisaa wɔhe koni wɔkɛ wɔhe awo wɔkpeei lɛ amli lɛ, ebiɔ ni wɔsaa wɔhe kɛha yijiemɔ lalai lɛ hu. Susumɔ ŋaawoi ni nyiɛ sɛɛ nɛɛ ahe.
2 Kasemɔ Lalai lɛ Amli Wiemɔi Lɛ: Ŋmalɛ ni lala lɛ damɔ nɔ lɛ kɛ ŋmalɛi krokomɛi ni atsĩ tã yɛ lala lɛ naagbee lɛ yeɔ ebuaa ni anuɔ Ŋmalɛ ni ajie lala lɛ mli wiemɔi lɛ kɛjɛ mli lɛ shishi.
3 Kasemɔ Bɔ ni Aláa Lɛ: Abaanyɛ akɛ be ni akɛfeɔ daa otsi Weku Jamɔ lɛ fã akase lalai heei nɛɛ. Nyɛboa lalai ni akɛ saŋku etswa ni abaatswa yɛ kpee fɛɛ kpee shishi lɛ toi ni nyɛlá kɛnyiɛ sɛɛ. Nyɛbaanyɛ nyɛkase lalai heei lɛ ekomɛi kɛ amɛmli wiemɔi lɛ kɛtsɔ Sing to Jehovah—Vocal Renditions, Disc 1 ni akɛ gbee lá lɛ toi ni nyɛaabo lɛ nɔ.
4 Ani beni wɔkɛ Lá Oha Yehowa lala wolo lɛ baabɔi nitsumɔ kɛjɛ otsi ni jeɔ shishi March 29 yɛ wɔ otsi teŋ kpeei lɛ kɛ Buu-Mɔɔ Nikasemɔ lɛ shishi lɛ, no mli lɛ ofee klalo? Obaanyɛ ofee klalo kɛji ohé be kɛkase lalai lɛ amli wiemɔi lɛ, ni okase bɔ ni aláa lɛ ahaa.