Nɔ ni Esa akɛ Owie yɛ Woji Tɛtrɛbii lɛ Ahe

The Watchtower July 1

“Wɔteŋ mɛi babaoo leee nɔ tuuntu ni wɔbaakɛɛ wɔnaanyo ko ni he miiye waa loo eeye gbele hela. Te onaa ŋaawoo nɛɛ tɛŋŋ? [Kanemɔ Yakobo 1:19. No sɛɛ lɛ, ŋmɛɛ lɛ gbɛ ni eha hetoo.] Sane nɛɛ kɛ ŋaawoi srɔtoi ni damɔ Biblia mli shishitoo mlai anɔ haa yɛ enɛ he.” Okɛ sane ni jeɔ shishi yɛ baafa 10 lɛ atsɔɔ lɛ.

Awake! July

“Ani esa akɛ ahole yei osɔfoi? [Ŋmɛɛ lɛ gbɛ ni eha hetoo.] Naa nɔ ni Biblia lɛ wieɔ yɛ yoo ko he. [Kanemɔ Romabii 16:1.] Shi, Biblia mli ŋmalɛ kroko hu kɛɔ akɛ esa akɛ yei afee dioo yɛ asafo lɛ mli. Belɛ, mɛni ji Biblia lɛ susumɔ yɛ enɛ he? Sane nɛɛ gbalaa mli.” Okɛ sane ni jeɔ shishi yɛ baafa 28 lɛ atsɔɔ lɛ.

The Watchtower August 1

“Mɛi babaoo sheɔ gbeyei akɛ nuklea ta loo kɔɔyɔŋ tsakemɔ ko ji nɔ ni baafite shikpɔŋ lɛ. Ani osusuɔ akɛ nakai ebaaba lɛ? [Ŋmɛɛ lɛ gbɛ ni eha hetoo.] Kadimɔ nɔ ni Biblia lɛ kɛɔ yɛ sane nɛɛ he. [Kanemɔ Kpojiemɔ 11:18.] Wolo tɛtrɛɛ nɛɛ haa saji ejwɛ komɛi ni afɔɔ bimɔ yɛ je lɛ naagbee lɛ he lɛ ahetoo.”

Awake! August

“Ekolɛ, Yehowa Odasefoi kɛ bo egba sane dã. Ani osusu nɔ hewɔ ni wɔyaa shĩa kɛ shĩa, yɛ be mli ni mɛi babaoo bɛ wɔsane lɛ he miishɛɛ lɛ he pɛŋ? [Ŋmɛɛ lɛ gbɛ ni eha hetoo. No sɛɛ lɛ, kanemɔ Mateo 24:14.] Wɔna akɛ mɛi babaoo hiɛ susumɔ ni ejaaa yɛ wɔhe. Wolo tɛtrɛɛ nɛɛ tsɔɔ mɛi ni Yehowa Odasefoi ji lɛ mli.”