Shiɛmɔ Wiemɔi

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ December mli lɛ nɔ

“Miheɔ miyeɔ akɛ obaakpɛlɛ nɔ akɛ mɔ fɛɛ mɔ sumɔɔ ni ená nanemɛi. Mɛɛ su o-sumɔɔ fe fɛɛ yɛ onaanyo ko he? [Ŋmɛɛ gbɛ ni eha hetoo.] Kadimɔ nɔ ni sane nɛɛ kɛɔ yɛ nɔ hewɔ ni esa akɛ wɔkɛ hiɛshikamɔ ahala wɔnanemɛi lɛ he.” Okɛ December 1 Blɔfo Buu-Mɔɔ eko aha shĩatsɛ lɛ, ní okɛ lɛ akane sane ni yɔɔ klɛŋklɛŋ saneyitso fioo ni yɔɔ baafa 16 lɛ shishi lɛ, ní nyɛsusu he. Kanemɔ kɛ́ hooo lɛ ŋmalɛi lɛ ateŋ ekome. Okɛ woji tɛtrɛbii lɛ aha lɛ, ni okɛ lɛ ato be ní obaaku osɛɛ okɛ lɛ ayasusu sanebimɔ ni nyiɛ sɛɛ lɛ hetoo lɛ he.

The Watchtower December 1

“Kɛ́ okwɛ lɛ, mɛni hewɔ adebɔɔ naa osharai efa babaoo gbii etɛ nɛɛ? [Ŋmɛɛ gbɛ ni eha hetoo.] Esa kadimɔ waa akɛ Biblia lɛ gba akɛ, be ko baashɛ ni adebɔɔ naa osharai baaba. [Kanemɔ Mateo 24:7, 8.] Wolo tɛtrɛɛ nɛɛ haa sanebimɔi nɛɛ ahetoo: Mɛni hewɔ adebɔɔ naa osharai babaoo baa ŋmɛnɛ lɛ? Ani Nyɔŋmɔ ji mɔ ni kɛbaa koni ekɛgbala gbɔmɛi atoi? Mɛɛ yiŋtoi ahewɔ wɔbaanyɛ wɔhe wɔye akɛ etsɛŋ ni Nyɔŋmɔ baafo adebɔɔ naa osharai fɛɛ sɛɛ lɛ?”

Awake! December

Kanemɔ 2 Timoteo 3:16 lɛ. No sɛɛ lɛ, kɛɛmɔ akɛ: “Mɛi komɛi kpɛlɛɔ nɔ akɛ Nyɔŋmɔ ni kɛ emumɔ lɛ tsirɛ mɛi ni amɛŋma Biblia lɛ, shi mɛi krokomɛi hu ekpɛlɛɛɛ nɔ nakai. Bo hu mɛni ji ojwɛŋmɔ? [Ŋmɛɛ gbɛ ni eha hetoo.] Eyɛ mli akɛ mɛi hiɛ susumɔi srɔtoi yɛ sanebimɔ nɛɛ he moŋ, shi mɛi babaoo kpɛlɛɔ nɔ akɛ Biblia lɛ pɛ ji wolo ní abaa yi kɛbashi bianɛ yɛ mɔdɛŋ ni abɔ shii abɔ akɛ abaakpata hiɛ lɛ fɛɛ sɛɛ. Wolo tɛtrɛɛ nɛɛ wieɔ mɔdɛŋ srɔtoi ni abɔ yɛ afii ohai abɔ ni eho lɛ mli akɛ abaakpata Biblia lɛ hiɛ koni mɛi akakane lɛ ateŋ ekomɛi ahe. Agbɛnɛ hu etsɔɔ nɔ hewɔ ni anyɛko akpata hiɛ kɛbashi bianɛ lɛ.”