Shiɛmɔ Wiemɔi

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ January mli lɛ nɔ

“Mɛi komɛi heɔ amɛyeɔ akɛ Biblia lɛ ji gbalɛ wolo ni abaanyɛ amu afɔ̃ nɔ. Mɛi krokomɛi hu susuɔ akɛ gbalɛi ni yɔɔ mli lɛ ashishi bɛ faŋŋ ni abaanyɛ atsɔɔ shishi yɛ gbɛi srɔtoi babaoo anɔ. Bo hu te osusuɔ tɛŋŋ?” Ŋmɛɛ gbɛ ni eha hetoo. No sɛɛ lɛ, okɛ January 1 Blɔfo Buu-Mɔɔ eko aha shĩatsɛ lɛ, ní okɛ lɛ asusu sane ni yɔɔ klɛŋklɛŋ saneyitso fioo ni yɔɔ baafa 16 lɛ shishi lɛ he, ní nyɛsusu kɛ́ hooo lɛ ŋmalɛi lɛ ateŋ ekome he. Okɛ woji tɛtrɛbii lɛ aha lɛ, ni okɛ lɛ ato be ní obaaku osɛɛ okɛ lɛ ayasusu sanebimɔ ni nyiɛ sɛɛ lɛ he.

The Watchtower January 1

“Wɔbaanyɛ wɔkase nibii babaoo kɛjɛ hii kɛ yei ni hi shi yɛ blema lɛ aŋɔɔ, aloo jeee nakai? [Ŋmɛɛ gbɛ ni eha hetoo.] Ŋmalɛ nɛɛ wieɔ nuu ko ni lɛ pɛ atsɛ lɛ yɛ Biblia lɛ mli akɛ “Nyɔŋmɔ shieŋtsɛ” lɛ he. [Kanemɔ Yakobo 2:23.] Wolo tɛtrɛɛ nɛɛ tsɔɔ nɔ hewɔ ni Nyɔŋmɔ ŋɔ Abraham akɛ enaanyo, kɛ nɔ ni wɔbaanyɛ wɔkase kɛjɛ enɔkwɛmɔnɔ lɛ mli.”

Awake! January

“Nyɔɔŋnihamɔ, kɛ nibii krokomɛi ni tamɔ nakai ni tsɔɔ anɔkwa ni ayeee lɛ efa babaoo yɛ nitsumɔhei. Mɛi komɛi susuɔ akɛ kɛ́ obaaná nii yɛ nitsumɔ mli lɛ, no lɛ esa akɛ oye kutumpɔo fioo. Te bo hu osusuɔ tɛŋŋ? [Ŋmɛɛ gbɛ ni eha hetoo.] Kadimɔ nɔ ni abɛ ni haa mɔ susuɔ nii ahe waa nɛɛ kɛɔ lɛ. [Kanemɔ Abɛi 20:17.] Wolo tɛtrɛɛ nɛɛ tsɔɔ nɔ hewɔ ni ehi jogbaŋŋ akɛ aaaye anɔkwa.”