Shiɛmɔ Wiemɔi

Kɛhã Biblia mli nikasemɔi ashishijee yɛ klɛŋklɛŋ Hɔɔ ni yɔɔ May mli lɛ nɔ

“Wɔkɛ be kukuoo ko miisara mɛi ni wɔkɛ amɛ asusu sanebimɔ ni yɔɔ miishɛɛ nɛɛ he. [Okɛ klɛŋklɛŋ sanebimɔ ni yɔɔ May 1 Buu-Mɔɔ lɛ sɛɛ lɛ atsɔɔ lɛ.] Te osusuɔ tɛŋŋ?” Ŋmɛɛ gbɛ ni ehã hetoo. Okɛ lɛ asusu sane ni yɔɔ sanebimɔ lɛ shishi lɛ he, kɛ kɛ́ hooo kwraa lɛ ŋmalɛi ni yɔɔ jɛmɛ lɛ ateŋ ekome he. Okɛ woji tɛtrɛbii lɛ ahã lɛ koni okɛ lɛ ato gbɛjianɔ ni oku osɛɛ okɛ lɛ ayasusu sanebimɔ ni nyiɛ sɛɛ lɛ he.

Buu-Mɔɔ May 1

“Wɔkɛ be kukuoo ko miisara mɛi ejaakɛ mɛi babaoo miisumɔ ni amɛle nɔ ni baaba wɔsɛɛ. Kɛ́ osusu wɔsɛɛ be he lɛ, te onuɔ he tɛŋŋ? Onáa miishɛɛ aloo osheɔ gbeyei? [Ŋmɛɛ gbɛ ni ehã hetoo. No sɛɛ lɛ kanemɔ ŋmalɛi ni yɔɔ akrabatsa ni ji “Nɔ ni Nyɔŋmɔ Etsɔɔ akɛ Ebaaba Wɔsɛɛ” lɛ mli lɛ ateŋ ekome.] Wolo tɛtrɛɛ nɛɛ tsɔɔ nibii komɛi ni Nyɔŋmɔ etsɔɔ akɛ ebaaba mli kɛ nɔ hewɔ ni wɔbaanyɛ wɔná nɔmimaa akɛ ebaaba mli lɛ.”

Awake! May

“Wɔkɛ be kukuoo ko miisara mɛi ni wɔye wɔbua amɛ ni amɛkafee yeyeeye tsɔ yɛ shihilɛ mli. Ani ona akɛ gbii etɛ nɛɛ mɛi miifee yeyeeye yɛ shihilɛ mli fe tsutsu lɛ? [Ŋmɛɛ gbɛ ni ehã hetoo.] Mɛi babaoo ena akɛ ŋaawoo ni yɔɔ Biblia lɛ mli lɛ nyɛɔ eyeɔ  ebuaa amɛ koni amɛkafee yeyeeye fe nine. Hã wɔkwɛ nɔkwɛmɔnɔ kome. [Kanemɔ Mateo 6:34.] Wolo tɛtrɛɛ nɛɛ tsɔɔ bɔ ni Biblia mli shishitoo mlai baanyɛ aye abua wɔ ni wɔkpee nibii ejwɛ komɛi ni hãa mɛi feɔ yeyeeye yɛ shihilɛ mli lɛ anaa.”

Kadimɔ: Guɔyelɔi baanya wolo nɛɛ he waa.