“Minaaa lɛ yɛ Shĩa Dɔŋŋ!”

Ani okɛɛ nakai yɛ mɔ ko ni ná wiemɔ lɛ he miishɛɛ lɛ he pɛŋ? Eyɛ mli akɛ obɔ mɔdɛŋ akɛ obaayasara mɔ lɛ ekoŋŋ shii abɔ moŋ, shi onyɛɛɛ ona lɛ koni oshwie anɔkwale dumɔwui ni odu lɛ nɔ nu. (1 Kor. 3:6) Bei komɛi lɛ, shiɛlɔi ni he esa lɛ ŋmaa mɔ ko ni amɛyanaaa lɛ yɛ shĩa dɔŋŋ lɛ wolo, loo amɛŋmaa nɔ ko ni amɛshiɔ yɛ mɔ lɛ shinaa naa. Akɛni shiɛlɔi komɛi yɔseɔ akɛ ekolɛ ebaawa akɛ amɛbaayana mɔ lɛ yɛ shĩa ekoŋŋ hewɔ lɛ, amɛbiɔ lɛ akɛ, “Ani obaanyɛ ohã mi otɛlifoŋ nɔmba?”, kɛkɛ lɛ amɛhe enɔmba. Kɛ́ wɔku wɔsɛɛ wɔyasara mɔ lɛ, loo wɔye lɛ odase kɛtsɔ woloŋmaa, e-mail, tɛs mɛseji, loo tɛlifoŋ nɔ, aloo wɔŋma wolo ni wɔshi yɛ eshinaa naa lɛ, esa akɛ wɔbu lɛ akɛ sɛɛkuu-kɛsaramɔ. Kɛ́ wɔfɔɔɔ lɛ namɔ yɛ shĩa po lɛ, wɔbaanyɛ wɔkɛ lɛ atsa nikasemɔ lɛ nɔ.