Wɔkɛ Hiɛdɔɔ Awowoo Wɔhe Hewalɛ Kɛhã Nitsumɔi Kpakpai

Hebribii 10:24 lɛ woɔ wɔ hewalɛ ni ‘wɔsusu wɔnyɛmimɛi lɛ ahe bɔ ni afee ni wɔkanyakanyaa wɔhe loo wɔwowoo wɔhe hewalɛ koni wɔjie suɔmɔ kpo ní wɔtsu nitsumɔi kpakpai.’ Wɔbaanyɛ wɔwo wɔnyɛmimɛi lɛ hewalɛ kɛtsɔ nɔkwɛmɔnɔ ni wɔfeɔ kɛ hemɔkɛyeli kpo ni wɔjieɔ lɛ nɔ. Gbaa mɛi ni yɔɔ osafo lɛ mli lɛ niiashikpamɔi ni sa ni oná lɛ. Hã amɛna akɛ oyɛ miishɛɛ yɛ Yehowa sɔɔmɔ lɛ mli. Shi okɛ amɛ akato ohe loo mɛi krokomɛi ahe bɔ ni esaaa. (Gal. 6:4) Okɛ onyɛmɔi lɛ atsu nii kɛwo mɛi krokomɛi hewalɛ ‘koni amɛjie suɔmɔ kpo ní amɛtsu nitsumɔi kpakpai,’ shi kaahã amɛnu fɔyeli he dani amɛtsu nitsumɔi kpakpai. (Kwɛmɔ Sɔɔmɔ Skul wolo lɛ, bf. 158, kk. 4.) Kɛ́ wɔkanyakanyaa wɔhe koni wɔjie suɔmɔ kpo lɛ, no baahã wɔkɛ wɔheloonaa nibii aye abua mɛi krokomɛi loo wɔkɛ wɔhe awo shiɛmɔ nitsumɔ lɛ mli.​—2 Kor. 1:24.