Ná Hesai Pii yɛ Shiɛmɔ Nitsumɔ lɛ Mli—Okɛ Sanekpakpa ni Jɛ Nyɔŋmɔ Ŋɔɔ! Wolo lɛ Atsu Nii Kɛje Biblia mli Nikasemɔ Shishi yɛ Shinai Anaa
Nɔ Hewɔ ni Ehe Hiaa: Dani wɔbaanyɛ wɔfee mɛi kaselɔi lɛ, esa akɛ wɔfee mɛi ni tsɔɔ Nyɔŋmɔ Wiemɔ lɛ. (Mat. 28:19, 20) Kɛ́ wɔkɛ dɛŋdadei ni akɛhã wɔ lɛ tsu nii lɛ, wɔ fɛɛ wɔbaanyɛ wɔtsɔɔ anɔkwale lɛ jogbaŋŋ. Ato Sanekpakpa ni Jɛ Nyɔŋmɔ Ŋɔɔ! wolo lɛ he gbɛjianɔ koni eye ebua wɔ ni wɔtsɔɔ mɛi anɔkwale lɛ. Anɔkwa, wɔbaanyɛ wɔkɛtsu nii kɛje Biblia mli nikasemɔ shishi yɛ mɔ ko shinaa naa kɛ́ wɔtee eŋɔɔ klɛŋklɛŋ kwraa.
Kaa Enɛ Okwɛ yɛ Nyɔɔŋ nɛɛ Mli:
Sɔlemɔ koni oná shwelɛ kɛhã Biblia mli nikasemɔ feemɔ. Kɛfata he lɛ, sɔlemɔ ni Yehowa aye abua bo koni onyɛ oje Biblia mli nikasemɔ shishi, ni eye ebua bo hu koni onyɛ otsɔɔ anɔkwale lɛ jogbaŋŋ.—Fil. 2:13.
Kɛ́ nyɛmiifee weku jamɔ loo oofee aŋkro nikasemɔ lɛ, kasemɔ shiɛmɔ wiemɔ lɛ jogbaŋŋ. Kɛ́ ofee nakai lɛ, obaanyɛ owie kɛ ekãa, ni obaanyɛ okɛ mɔ ko aje Biblia mli nikasemɔ shishi yɛ eshinaa naa.