Ná Hesai Pii yɛ Shiɛmɔ Nitsumɔ lɛ Mli​—Bɔ Oofee Owo Mɛi ni Yɔɔ Wiemɔ lɛ he Miishɛɛ lɛ Hewalɛ Koni Amɛba Asafoŋ Kpeei

NƆ HEWƆ NI EHE HIAA: Asafoŋ kpeei hãa wɔnáa hegbɛ ‘kɛlaa wɔhãa Yehowa’ ni ‘wɔjieɔ eyi.’ (La 149:1) Yɛ kpeei nɛɛ ashishi lɛ, atsɔɔ wɔ bɔ ni wɔɔfee wɔfee Nyɔŋmɔ suɔmɔnaa nii. (La 143:10) Bei pii lɛ, kɛ́ mɛi ni yɔɔ wiemɔ lɛ he miishɛɛ kɛ mɛi ni wɔkɛ kaseɔ Biblia lɛ bɔi kpeei nɛɛ baa lɛ, amɛyaa amɛhiɛ waa.

BƆ NI OBAAFEE LƐ OHÃ:

• Fɔ̃ɔ lɛ nine amrɔ nɔŋŋ. Esaaa akɛ omɛɔ kɛyashi obaato Biblia mli nikasemɔ shishi dani ofɔ lɛ nine.​—Kpo 22:17

• 

  Hã mɔ ni yɔɔ wiemɔ lɛ he miishɛɛ lɛ ale nɔ ni ebaabana yɛ jɛmɛ kɛ nɔ ni abaakase yɛ asafoŋ kpee ni nyiɛ sɛɛ lɛ shishi. Nibii ni nyiɛ sɛɛ nɛɛ baanyɛ aye abua yɛ enɛ feemɔ mli: asafoŋ kpee he ninefɔɔ wolo, vidio ni ji, Mɛni Yaa Nɔ yɛ Maŋtsɛyeli Asa lɛ Nɔ?, kɛ Yehowa Suɔmɔnaa Nii wolo lɛ mli nikasemɔ 5 kɛ 7 lɛ

• 

  Ye obua. Ani ehe baahia ni okɛ otsɔne ayawo mɔ ni yɔɔ wiemɔ lɛ he miishɛɛ lɛ, aloo ehe baahia ni otsɔɔ lɛ atade ni sa ní esa akɛ ewo? Ta emasɛi yɛ kpee lɛ shishi, ni okɛlɛ akwɛ owolo lɛ mli. Okɛlɛ atsɔɔ mɛi krokomɛi