Jiemɔ Subaŋ Momo Lɛ Ni Owo Subaŋ Hee Lɛ

3:5-14

Be ni oba anɔkwale lɛ mli lɛ, ani ofee tsakemɔi wuji yɛ oshihilɛ mli? Ná nɔmimaa akɛ, Yehowa hiɛ sɔ mɔdɛŋ ni obɔ kɛfee tsakemɔi nɛɛ waa. (Eze 33:11) Shi kɛ́ wɔmiaaa wɔhiɛ ni wɔbaaya nɔ wɔjie subaŋ hee lɛ kpo lɛ, no lɛ, subaŋ momo lɛ baajie ehiɛ kpo ekoŋŋ. Hã sanebimɔi ni nyiɛ sɛɛ nɛɛ ahetoo, ni okwɛ hei ni ehe baahia ni ofee tsakemɔi yɛ:

• Ani mibɛ mɔ ko ni etɔ̃ minɔ lɛ miwo mimli?

• Kɛ́ miiye oyai loo etɔ mi po lɛ, ani mináa tsui mihãa mɛi?

• Kɛ́ susumɔ gbonyo ko ba mijwɛŋmɔ mli lɛ, ani mijieɔ oya nɔŋŋ?

• Ani mihiɛ jwɛŋmɔ ni ejaaa yɛ mɛi ni esoro amɛhewolonɔ su loo maŋ nɔ ni amɛjɛ lɛ ahe?

• Ani nyɛsɛɛ nɛɛ, mikɛ mɔ ko ewie bɔ ni esaaa loo mimli efu mɔ ko?