Okɛ Mɛi Ni Sumɔɔ Yehowa Abɔ

Mɛni hewɔ esa akɛ wɔkɛ mɛi ni sumɔɔ Yehowa abɔ lɛ? Mɛi ni wɔkɛbɔɔ lɛ baanyɛ ahã wɔfee nibii kpakpai loo nibii gbohii. (Abɛ 13:20) Akɛ nɔkwɛmɔnɔ lɛ, Maŋtsɛ Yehoash fee “nɔ ni ja yɛ Yehowa hiɛ,” gbii abɔ ni ekɛ Osɔfonukpa Yehoiada bɔ lɛ. (2Kr 24:2) Shi Yehoiada gbele sɛɛ lɛ, nanemɛi gbohii ni Yehoash kɛbɔ lɛ hã eshi Yehowa.​—2Kr 24:17-19.

Yɛ klɛŋklɛŋ afii 100 Ŋ.B. lɛ, bɔfo Paulo kɛ Kristofoi asafo lɛ to “shĩa wulu ko” he, ni ekɛ asafo lɛ mli bii lɛ to “tsɛnsii,” loo shĩa nibii ahe. Kɛ́ wɔkɛ mɔ fɛɛ mɔ ni feɔ nɔ ko ni esaaa Yehowa hiɛ lɛ ebɔɔɔ​—kɛ́ mɔ lɛ ji wɔweku lɛ mli nyo loo asafo lɛ mli nyo po lɛ, no lɛ, wɔbaakã he wɔfee “dɛŋdade ni akɛfeɔ nii ni hiɛ yɔɔ nyam.” (2Ti 2:20, 21) No hewɔ lɛ, nyɛhãa wɔkɛ mɛi ni sumɔɔ Yehowa, ni woɔ wɔ hewalɛ ni wɔsɔmɔ lɛ lɛ abɔa daa.

KWƐMƆ VIDIO NI JI, KWA NAANYOBƆƆ GBONYO LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:

• Mɛɛ gbɛi komɛi anɔ wɔbaanyɛ wɔkɛ mɛi gbohii abɔ ni wɔyɔseee?

• Yɛ vidio lɛ mli lɛ, mɛni ye ebua Kristofoi etɛ komɛi ni amɛkɛ mɛi gbohii kpa bɔɔ?

• Mɛɛ Biblia mli shishitoo mlai baanyɛ awa bo ni okɛ hiɛshikamɔ ahala nanemɛi?