“Nyɛyaa Nɔ Nyɛsusua Enɛɛmɛi Ahe”

Mɛɛ nibii? Filipibii 4:8 lɛ kɛɛ nomɛi ji, nibii ni ji anɔkwale, nibii ni sa woo, nibii ni ja, nibii ni he tse, nibii ni hãa ajieɔ suɔmɔ kpo, nibii ni awieɔ he ekpakpa, nibii ni hi jogbaŋŋ, kɛ nibii ni sa yijiemɔ. Enɛ etsɔɔɔ akɛ be fɛɛ be lɛ, esa akɛ Kristofonyo asusu Biblia lɛ he. Shi esa akɛ nibii ni wɔsusuɔ he lɛ afee nibii ni sa Yehowa hiɛ. Esaaa akɛ wɔsusuɔ nibii ni baahã ewa kɛhã wɔ akɛ wɔbaaye lɛ anɔkwa lɛ ahe.—La 19:14.

Ebɛ mlɛo akɛ wɔbaajie wɔjwɛŋmɔ kɛje susumɔi gbohii anɔ. Ehe miihia ni wɔwu wɔshi esha ni yɔɔ wɔmli lɛ, kɛ Satan, ni ji “je nɛɛ nyɔŋmɔ lɛ.” (2Ko 4:4) Nibii gbohii titri eyi TV, redio, Intanɛt, kɛ woji amli, ejaakɛ Satan ená mɛi ni toɔ nibii nɛɛ ahe gbɛjianɔ lɛ anɔ hewalɛ. Kɛ́ wɔhalaaa nibii ni wɔkɛwoɔ wɔjwɛŋmɔŋ lɛ amli lɛ, wɔsusuŋ nii ahe jogbaŋŋ, ni no baahã wɔfee nibii gbohii.—Yak 1:14, 15.

KWƐMƆ VIDIO NI JI, TSI OHE KƐJE NIBII NI HÃAA MƆ AYE ANƆKWA LƐ AHE—HIƐTSERƐJIEMƆ NI ESAAA LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:

• 

  No mli lɛ, mɛni nyɛmi nuu lɛ kwɛɔ yɛ efoŋ lɛ nɔ lɛ, ni te ená enɔ hewalɛ tɛŋŋ?

• 

  Mɛɛ gbɛ nɔ Galatiabii 6:7, 8 kɛ Lala 119:37 lɛ ye ebua lɛ?