Namɛi Mafɔ̃ Amɛ Nine?

Daa afi lɛ, wɔfãa ta krɛdɛɛ kɛfɔ̃ɔ mɛi ni yɔɔ wɔshikpɔŋkuku lɛ mli lɛ nine koni amɛbafata wɔhe kɛye Kaimɔ lɛ. Wɔleee amɛteŋ mɛi pii. Esa akɛ wɔfɔ̃ mɛi ni wɔle hu nine. Bei pii lɛ, kɛ́ wɔfɔ̃ mɛi ni wɔle nine lɛ, ewaaa akɛ amɛbaaba. (yb08 11 kk. 3; 14 kk. 1) Namɛi nɛkɛ obaanyɛ ofɔ̃ amɛ nine?

• Owekumɛi

• Mɛi ni okɛtsuɔ nii loo okɛyaa skul

• Okutsoŋbii

• Mɛi ni obaaku osɛɛ oyasara amɛ, otsutsu Biblia mli nikaselɔi, kɛ mɛi ni okɛkaseɔ nii bianɛ

Kɛfata he lɛ, asafoŋ onukpai lɛ baafɔ̃ mɛi ni ekpa shiɛmɔyaa lɛ nine. Ni kɛ́ mɔ ko ni ole lɛ bɛ nyɛkutso lɛ mli hu? Kɛ́ otee jw.org lɛ nɔ, ni okliki fã ni ji WƆHE SAJI ni yɔɔ ŋwɛigbɛ lɛ, ni ohala “Kaimɔ Lɛ,” obaana be kɛ he ni abaafee Kaimɔ lɛ yɛ, yɛ he ni eyɔɔ lɛ. Be ni osaa ohe otoɔ afi nɛɛ Kaimɔ lɛ, susumɔ mɛi ni obaanyɛ ofɔ̃ amɛ nine lɛ ahe, ni bo diɛŋtsɛ ofɔ̃ amɛ nine.