Kwɛmɔ Jogbaŋŋ Ni Okagbɛ Amalei Oshwã

Ŋmɛnɛ lɛ, abaanyɛ atsɔ woji, redio, TV, kɛ Intanɛt lɛ nɔ ahã mɛi akpekpei abɔ anine ashɛ saji anɔ yɛ be kukuoo mli. Mɛi ni jáa “anɔkwale Nyɔŋmɔ” lɛ sumɔŋ ni amɛgbɛ amalei amɛshwã, amɛhiɛ yɛ amɛhe nɔ jio, amɛhiɛ bɛ amɛhe nɔ jio. (La 31:5; 2Mo 23:1) Kɛ́ agbɛ amalei ashwã lɛ, ebaanyɛ eye awui waa. Kɛ́ ookwɛ kɛji sane ko yɛ mli lo lɛ, bi ohe akɛ:

• ‘Ani abaanyɛ amu afɔ̃ sane lɛ jɛɛhe lɛ nɔ?’ Ekolɛ mɔ ni kɛɔ bo sane lɛ leee emli anɔkwalei lɛ fɛɛ. Kɛ́ awie sane ko ni efo shi aahu lɛ etsakeɔ, hewɔ lɛ, kɛji oleee mɔ ni je sane lɛ shishi lɛ, kwɛmɔ jogbaŋŋ ni okagbɛ oshwã. Amuɔ afɔ̃ɔ mɛi ni atu sɔ̃i awo amɛdɛŋ yɛ asafo lɛ mli lɛ anɔ waa, hewɔ lɛ, esa akɛ amɛkwɛ jogbaŋŋ ni amɛkagbɛ sane ni abɛ nɔmimaa yɛ he amɛshwã

• ‘Ani sane lɛ baagbe mɔ ko he guɔ?’ Kɛ́ ebaafite mɔ ko loo kuu ko gbɛ́i lɛ, no lɛ, esaaa akɛ ogbɛɔ oshwãa.​—Abɛ 18:8; Fip 4:8

• ‘Ani sane lɛ yɛ mli lɛɛlɛŋ?’ Kɛ́ onu saji loo niiashikpamɔi ni hãa mɔ naa kpɛɔ ehe waa lɛ, esa akɛ okwɛ jogbaŋŋ yɛ he

KWƐMƆ VIDIO NI JI, TE MAFEE TƐŊŊ MAKPA MƐI AHE WIEMƆ? LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:

• 

  Tamɔ Abɛi 12:18 lɛ kɛɔ lɛ, mɛɛ awui wiemɔi baanyɛ aye?

• 

  Mɛɛ gbɛ nɔ Filipibii 2:4 lɛ yeɔ ebuaa wɔ ni wɔŋmɛ pɛpɛɛpɛ kɛ́ wɔyaawie nɔ ko yɛ mɔ ko he?

• 

  Kɛ́ okɛ mɛi miigba sane ni abɔi nibii ni esaaa wiemɔ yɛ mɔ ko he lɛ, mɛni esa akɛ ofee?

• 

  Mɛɛ saji esa akɛ obi ohe dani obɔi mɔ ko he wiemɔ?