Shɛ Tsui Lɛ He

Kɛ́ wɔbaabo Nyɔŋmɔ toi lɛ, ebaajɛ wɔtsuiŋ. (Abɛ 3:1) Enɛ hewɔ lɛ kɛ́ wɔmiitsɔɔ nii lɛ, esa akɛ wɔbɔ mɔdɛŋ waa wɔshɛ wɔtoibolɔi lɛ atsui he. Yɛ mɛɛ gbɛ nɔ?

Kaatsɔɔ o-Biblia mli nikaselɔ lɛ anɔkwalei kɛkɛ, hã ena bɔ ni ekɔɔ ehe kɛ wekukpaa ni yɔɔ ekɛ Yehowa teŋ lɛ hu he. Ye obua lɛ ni ena akɛ, nɔ ni Nyɔŋmɔ biɔ yɛ wɔdɛŋ lɛ tsɔɔ akɛ esumɔɔ wɔ, emli hi, ni eyeɔ jalɛsane. Jɛɛ bulɛ mli obi lɛ saji ni baawa lɛ ni ena bɔ ni lɛ diɛŋtsɛ enuɔ he ehãa yɛ nɔ ni ekaseɔ lɛ he. Wa lɛ ni ena bɔ ni ebaaná he sɛɛ ehã kɛ́ etsi ehe kɛje susumɔ loo su gbonyo ko he. Kɛ́ ona akɛ suɔmɔ ni o-Biblia mli nikaselɔ lɛ yɔɔ kɛhã Yehowa lɛ jɛ etsuiŋ lɛ, obaaná miishɛɛ waa.

KWƐMƆ VIDIO NI JI, OBAANYƐ ONÁ MIISHƐƐ BE NI OFEƆ MƐI KASELƆI LƐ​—YAA OHIƐ YƐ GBƐ NI OTSƆƆ NƆ OTSƆƆ NII LƐ MLI​—SHƐ TSUI LƐ HE LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:

• 

  Mɛni hewɔ Anita bi Jade akɛ: “Nɔ ni wɔkase Ju lɛ, ani ojwɛŋ nɔ ekoŋŋ” lɛ?

• 

  Mɛɛ gbɛ nɔ Anita ye ebua Jade ni ena akɛ, Yehowa taomɔ nii ni yɔɔ Biblia lɛ mli lɛ tsɔɔ akɛ esumɔɔ wɔ?

• 

  Mɛɛ gbɛ nɔ Anita ye ebua Jade koni esusu nibii ni ebaanyɛ efee kɛtsɔɔ akɛ esumɔɔ Nyɔŋmɔ lɛ he?