Yaa Nɔ Otsɔse Ojwɛŋmɔ

Esa akɛ foidalɔ aya nɔ agbɔle ekpɔiaŋ, koni enyɛ ejo foi jogbaŋŋ be fɛɛ be. Wɔ hu esa akɛ wɔya nɔ wɔtsɔse wɔjwɛŋmɔ, koni enyɛ etsu nii jogbaŋŋ be fɛɛ be. (Heb 5:14) Eyɛ mli akɛ, ekolɛ, wɔbaasumɔ ni wɔkpɛ wɔyiŋ tamɔ mɛi krokomɛi moŋ, shi esa akɛ wɔkase bɔ ni wɔ diɛŋtsɛ wɔbaajwɛŋ nii anɔ ni wɔkpɛ yiŋ wɔhã wɔhe. Mɛni hewɔ? Ejaakɛ wɔteŋ mɔ fɛɛ mɔ baabu lɛ diɛŋtsɛ eyiŋkpɛi ahe akɔntaa.​—Ro 14:12.

Esaaa akɛ wɔmuɔ sane naa akɛ, akɛni abaptisi wɔ etsɛ hewɔ lɛ, wɔbaakpɛ yiŋ kpakpai. Ja wɔkɛ wɔhiɛ efɔ̃ Yehowa, e-Wiemɔ lɛ, kɛ esafo lɛ nɔ, kɛ wɔtsui fɛɛ dani wɔbaakpɛ yiŋ kpakpai.​—Yos 1:7, 8; Abɛ 3:5, 6; Mat 24:45.

KWƐMƆ VIDIO NI JI, “NYƐYAA NƆ NYƐHIƐA HENILEE KPAKPA MLI” LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:

• 

  Mɛɛ yiŋ ehe bahia ni Emma akpɛ?

• 

  Mɛni hewɔ esaaa akɛ wɔkɛɔ mɛi nɔ ni esa akɛ amɛfee yɛ saji ni Biblia lɛ woko mlai yɛ he lɛ ahe lɛ?

• 

  Mɛɛ ŋaa ni nilee yɔɔ mli nyɛmi nuu ko kɛ eŋa wo Emma?

• 

  Nɛgbɛ Emma ná saji ni sa ni kɔɔ eshihilɛ lɛ he lɛ yɛ?