NYƆŊMƆ WIEMƆ LƐ MLI JWETRII

Okɛ Hiɛshikamɔ Ahala Mɔ Ni Obaasumɔ Ni Okɛbote Gbãla Mli

Solomon kɛ yei ni jáa amale nyɔŋmɔi bote gbãla mli, ni nilee bɛ nɔ ni efee lɛ mli (1Ma 11:1, 2; w18.07 18 kk. 7)

Solomon ŋamɛi lɛ dɔ etsui kɛje Yehowa he fiofio (1Ma 11:3-6; w19.01 15-16 kk. 6)

Yehowa mli fu Solomon (1Ma 11:9, 10; w18.07 19 kk. 9)

Mfonirii ni ato naa: Nyɛmi yoo oshijafo ko miikase Biblia lɛ, ni eejwɛŋ nyɛmi nuu oshijafo ko he. 1. Nyɛmi nuu lɛ miiha sane hetoo yɛ asafoŋ kpee shishi. 2. Eetsu maŋ odaseyeli nitsumɔ lɛ eko. 3. Eewa kɛmiikura Maŋtsɛyeli Asa lɛ nɔ.

Nyɔŋmɔ Wiemɔ lɛ woɔ Kristofonyo ni bɛ ŋa loo wu lɛ ŋaa ni ebote gbãla mli “yɛ Nuŋtsɔ lɛ mli pɛ.” (1Ko 7:39) Fɛɛ sɛɛ lɛ, kɛ́ abaptisi mɔ ko lɛ, jeee no pɛ kɛkɛ baahã efee mɔ ni sa kɛhã bo. Ani mɔ lɛ baawa bo ni oya nɔ okɛ osusuma muu fɛɛ asɔmɔ Yehowa? Ani mɔ lɛ kɛ be kplaŋŋ etsɔɔ akɛ suɔmɔ ni eyɔɔ kɛhã Yehowa lɛ mli wa waa? Esa akɛ ohe be kɛle mɔ lɛ jogbaŋŋ, dani okpɛlɛ nɔ akɛ okɛ lɛ baabote gbãla mli.