HII SHI AKƐ KRISTOFONYO
Bɔɔ Mɔdɛŋ Ni Osusu Nii Ahe Tamɔ Nyɔŋmɔ
Wɔsumɔɔ ni wɔsa Yehowa hiɛ yɛ nɔ fɛɛ nɔ mli. (Abɛ 27:11) Enɛ biɔ ni wɔkpɛ yiŋ ni kɛ esusumɔ kpãa gbee yɛ saji ni awoko mlai pɔtɛi yɛ amɛhe lɛ po amli. Mɛni baawa wɔ ni wɔnyɛ wɔfee nakai?
Too be kɛhã Biblia lɛ kasemɔ, ni oye be lɛ nɔ daa. Be fɛɛ be ni wɔbaakane Biblia lɛ, yɛ gbɛ ko nɔ lɛ, wɔná deka wɔhã Yehowa. Kɛ́ wɔjwɛŋ bɔ ni Yehowa kɛ ewebii lɛ ye ehã lɛ nɔ, ni wɔsusu mɛi ni ená amɛhe miishɛɛ kɛ mɛi ni enáaa amɛhe miishɛɛ lɛ ashihilɛi ahe lɛ, wɔbaanyɛ wɔna bɔ ni esusuɔ nii ahe ehãa. Kɛ́ ehe bahia ni wɔkpɛ yiŋ ko lɛ, mumɔ krɔŋkrɔŋ lɛ baanyɛ awa wɔ ni wɔkai shishitoo mlai kɛ nibii ni he hiaa ni wɔkase yɛ Nyɔŋmɔ Wiemɔ lɛ mli lɛ.—Yoh 14:26.
Taomɔ nii amli. Kɛ́ ehe bahia ni okpɛ yiŋ ko lɛ, bi ohe akɛ, ‘Mɛɛ ŋmalɛi loo saji ni yɔɔ Biblia lɛ mli baanyɛ awa mi ni mana bɔ ni Yehowa nuɔ he ehãa yɛ sane nɛɛ he?’ Sɔlemɔ ni Yehowa awa bo, ni no sɛɛ lɛ, okɛ teokrase dɛŋdadei ni akɛtaoɔ nii amli ni yɔɔ wiemɔ ni owieɔ lɛ mli lɛ atsu nii kɛtao Biblia mli shishitoo mlai ni kɔɔ osane lɛ he, ni okɛtsu nii.—La 25:4.
KWƐMƆ VIDIO NI JI, ESA AKƐ WƆKƐ “SHIFIMƆ ADA FOI” LƐ—YE NIYENII KPAKPAI LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:
Mɛɛ naagbai nyɛmi yoo fioo lɛ kɛkpe?
Kɛ́ okɛ shihilɛi ni tamɔ nakai kpe lɛ, mɛɛ gbɛ nɔ obaanyɛ okɛ dɛŋdadei ni akɛtaoɔ nii amli lɛ atsu nii kɛtsu he nii?
Kɛ́ wɔhe be kɛtao nii amli ni wɔkase nii koni wɔnyɛ wɔkpɛ yiŋ kpakpai lɛ, mɛɛ gbɛ nɔ wɔnáa he sɛɛ?—Heb 5:13, 14