Okɛ Otii Amamɔ Ohiɛ Kɛhã Kaimɔ Lɛ

Daa afi lɛ, Yehowa webii lɛ kpaa be ni amɛbaafee ekome kɛye Kaimɔ lɛ gbɛ. Yɛ otsii ni tsɔɔ Kaimɔ lɛ hiɛ lɛ amli lɛ, wɔkɛ wɔhe woɔ nifeemɔi krɛdɛi komɛi amli kɛjieɔ Yehowa yi ni wɔdaa lɛ shi hu yɛ kpɔmɔnɔ lɛ ni ekɛdro wɔ lɛ hewɔ, ni wɔfeɔ nakai yɛ Kaimɔ lɛ sɛɛ hu. (Efe 1:3, 7) Akɛ nɔkwɛmɔnɔ lɛ, wɔbɔɔ mɔdɛŋ waa kɛfɔ̃ɔ mɛi nine kɛhã Kaimɔ lɛ. Mɛi komɛi toɔ amɛbe he gbɛjianɔ koni amɛnyɛ amɛkɛ ŋmɛlɛtswai 30 loo 50 asɔmɔ akɛ gbɛgbalɔi awalɔi yɛ March loo April mli. Ani obaasumɔ ni oshiɛ waa yɛ Kaimɔ be ni kã wɔhiɛ lɛ mli? Mɛni baawa bo ni onyɛ ofee nakai?

Bei pii lɛ, kɛ́ wɔto nɔ ko ni wɔmiisumɔ ni wɔfee lɛ he gbɛjianɔ lɛ, wɔyeɔ omanye. (Abɛ 21:5) Akɛni Kaimɔ be lɛ ebɛŋkɛ waa hewɔ lɛ, amrɔ nɛɛ ji be ni esa akɛ wɔbɔi nibii ahe gbɛjianɔtoo. Susumɔ otii ni obaasumɔ ni okɛmamɔ ohiɛ yɛ shiɛmɔ nitsumɔ lɛ mli yɛ Kaimɔ be lɛ mli lɛ ahe, ni okpɛ oyiŋ yɛ nɔ ni esa akɛ ofee koni oshɛ amɛhe lɛ he. No sɛɛ lɛ, bi Yehowa ni ejɔɔ omɔdɛŋbɔɔ lɛ nɔ.​—1Yo 5:14, 15.

Mɛɛ nibii komɛi obaanyɛ ofee koni onyɛ oshiɛ waa yɛ Kaimɔ be lɛ mli?