Bɔ Ni Akɛ Biblia Mli Nikasemɔ Vidioi Lɛ Tsuɔ Nii Ahãa

Wɔyɛ vidioi ejwɛ ni kɔɔ Biblia mli nikasemɔ he ni wɔbaanyɛ wɔkɛtsu nii yɛ shiɛmɔ nitsumɔ lɛ mli. Te esa akɛ wɔkɛ eko fɛɛ eko atsu nii ahã tɛŋŋ?

• 

  Afee Mɛni Hewɔ Esa Akɛ Okase Biblia Lɛ?​—Nɔ Ni Sɛɛ Kɛ lɛ koni ehã mɛi anya Biblia lɛ he, ekɔɔɔ he eko nɔ ni amɛheɔ amɛyeɔ. Ewoɔ mɛi hewalɛ ni amɛtao shihilɛ mli sanebimɔi ni he hiaa waa lɛ ahetoo yɛ Biblia lɛ mli, ni egbalaa jwɛŋmɔ kɛyaa emli hetoo ko ni nilee yɔɔ mli lɛ nɔ. Etsɔɔ bɔ ni mɔ ko baafee ebi ni akɛ lɛ abakase Biblia lɛ.

• 

  Mɛni Hewɔ Esa Akɛ Okase Biblia Lɛ? (nɔ ni sɛɛ kɛɛɛ) lɛ mli saji lɛ tamɔ nɔ ni sɛɛ kɛ lɛ nɔŋŋ, shi no shɛɛɛ minitii 2 po. Kɛ́ akɛtsu nii yɛ hei ni mɛi bɛ dekã kwraa yɛ lɛ ebaaye omanye waa.

• 

  Afee Mɛni Yaa Nɔ yɛ Biblia Nikasemɔ Feemɔ Mli? lɛ koni ehã mɛi anya Biblia lɛ ni wɔkɛ mɛi kaseɔ ni aheee shika lɛ he, ni ehãa nikasemɔ lɛ he saji komɛi ni mɛi biɔ lɛ hetoo, tamɔ bɔ ni mɔ baafee ebi ni akɛ lɛ abakase Biblia lɛ nɛkɛ.

• 

  Afee Okɛ Biblia Mli Nikasemɔ Jurɔ lɛ koni ajie atsɔɔ Biblia mli nikaselɔi. Eyɛ mli akɛ, awie vidio nɛɛ he yɛ Oyi Aná Wala Kɛya Naanɔ! wolo lɛ baafa 2 lɛ moŋ, shi kɛ́ akɛ mɔ ko miikase Oyi Aná Wala Kɛya Naanɔ! broshuɔ lɛ, abaanyɛ ajie. Vidio lɛ hãa anaa saji ni yɔɔ wolo lɛ mli kɛ nɔ ni nikaselɔ lɛ baanyɛ akpa gbɛ yɛ nikasemɔi lɛ amli.

Eyɛ mli akɛ afee vidioi lɛ ateŋ eko fɛɛ eko kɛhã yiŋtoo pɔtɛɛ ko moŋ, shi abaanyɛ ajie atsɔɔ mɛi loo akɛsɛndi mɛi kɛ́ nakai feemɔ sa. Aawo shiɛlɔi hewalɛ ni amɛle vidioi nɛɛ amli saji lɛ jogbaŋŋ ni amɛkɛtsu nii yɛ shiɛmɔ nitsumɔ lɛ mli.