Nɔ Ko Ni Obaanyɛ Okase

Ani ooná ŋmalɛi ni agbála mli yɛ wɔwoji lɛ amli ni yɔɔ Niiamlitaomɔ Wolo Kɛhã Yehowa Odasefoi lɛ mli lɛ ahe sɛɛ?

Bɔ ni agbála ŋmalɛi amli yɛ wɔwoji lɛ amli lɛ baanyɛ aye abua bo ni onu Nyɔŋmɔ Wiemɔ lɛ shishi jogbaŋŋ. Bei komɛi lɛ, amɛtsɔɔ bɔ ni shihilɛ yɔɔ be ni sane ko ni awie he yɛ Biblia lɛ mli lɛ tee nɔ, nɔ hewɔ ni aŋma nakai sane lɛ, mɔ ni he ni ekɔɔ, loo nɔ ni wiemɔi pɔtɛi komɛi ni akɛtsu nii yɛ mli lɛ tsɔɔ.

Kɛ́ ookane Bibliai ni yɔɔ Buu-Mɔɔ INTANƐT NƆ WOJIATOOHE^™ lɛ loo JW Library^® lɛ mli ni onyɛ kukuji lɛ eko nɔ lɛ, obaanyɛ ona Niiamlitaomɔ Wolo lɛ mli woji ni atsɛ yisɛɛ ni kɔɔ nakai kuku lɛ he lɛ.

Kɛ́ okɛ Niiamlitaomɔ Wolo lɛ miitsu nii lɛ, kadimɔ bɔ ni ato woji ni atsɛ yisɛɛ lɛ anaa ahã lɛ. Nɔ ni ba etsɛko lɛ yɛ ŋwɛigbɛ, ni nɔ ni ba etsɛ lɛ yɛ shishigbɛ. Saji ni yɔɔ woji ni etsɛ lɛ amli lɛ ekomɛi yɛ ni wɔná shishinumɔ hee yɛ he.

• Kɛ́ otee Buu-Mɔɔ INTANƐT NƆ WOJIATOOHE lɛ, obaana akɛ Niiamlitaomɔ Wolo lɛ yɛ nɔ momo.

• Shi yɛ JW Library lɛ mli lɛ, kɛ́ ootao ona Niiamlitaomɔ Wolo lɛ mli woji ni atsɛ yisɛɛ ni kɔɔ ŋmalɛ ko he lɛ, ja odaunlodi Niiamlitaomɔ Wolo lɛ dã, ni agbɛnɛ hu, kɛ́ ehe update ko ba lɛ, odaunlodi no hu. Kɛ́ okwɛ he ni shishigbɛ niŋmai lɛ gbeleɔ yɛ lɛ yiteŋgbɛ lɛ, obaana okadi ko yɛ jɛmɛ ni obaanyɛ okɛdaunlodi Niiamlitaomɔ Wolo lɛ.