Maŋkwramɔŋ shihilɛi ni mli wa waa, awuiyeli, kɛ shika gbɛfaŋ naagbai, enɛɛmɛi fɛɛ nyɛɔ ekɛ nijiaŋwujee sɔrɔtoi baa. Mɛi ni etee skul wuji ni amɛkase nibii ni amɛkɛmiitsu nii lɛ po yeee amɛhe yɛ mli ejaakɛ esa akɛ amɛbɔ mɔdɛŋ ni amɛhi shihilɛ ni nɔ kwɔ mli daa, beni amɛkpeeɔ shika gbɛfaŋ naagbai ni yaa nɔ emli waa be fɛɛ be lɛ anaa lɛ. Ni mɛni jɛɔ mli baa? Taakɛ Maŋtsɛ Salomo ni hi shi yɛ blema lɛ kɛɛ lɛ, “wieyeli haa nilelɔ yeɔ sɛkɛ”!a (Jajelɔ 7:⁠7) Lɛlɛŋ, nijiaŋwujee haa mɛi babaoo kɔɔ gbɛ ni mli wa fe fɛɛ kɛhaa amɛnaagbai lɛ anaa tsabaa namɔ​—he gbee.