Sɔɔmɔ Kpeei Kɛha January

Otsi ni Jeɔ Shishi January 1

Lala 133

10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.

15 min: “Ye Obua Koni Wekui Aya nɔ Jogbaŋŋ.” Agba otii lɛ ahe sane, ni afee shiɛmɔ wiemɔi ahe nɔkwɛmɔ nɔ kome loo enyɔ.

20 min: Hebuu ni Advance Medical Directive/Release Card lɛ Kɛhaa. Onukpa kɛ asafo lɛ asusu bɔ ni ehe hiaa ni mɔ fɛɛ mɔ aŋmala Advance Medical Directive/Release wolo lɛ nɔ nii jogbaŋŋ ni ahiɛ yɛ bei fɛɛ mli kɛ bɔ ni ehe hiaa ni gbekɛbii ahiɛ Identity Card lɛ be fɛɛ be lɛ he. Taakɛ wolo lɛ saneyitso tsɔɔ lɛ, ekɛ nɔ ni ataoɔ (loo ataooo) yɛ tsofafeemɔ mli lɛ haa kɛtsɔɔ hiɛ. Mɛni hewɔ afeɔ enɛ daa afi? Wolo ni yɔɔ ebe naa pɛpɛɛpɛ lɛ kɔneɔ mɔ yiŋ waa fe nɔ ni abuɔ no akɛ ebe eho loo ewieee mɔ lɛ hemɔkɛyelii lɛ ahe jogbaŋŋ dɔŋŋ lɛ. Wolo lɛ wieɔ kɛhaa bo yɛ be mli ni onyɛɛɛ owie oha ohe lɛ. Akɛ woji lɛ baaha gbɛkɛ nɛɛ. Esa akɛ aŋmala enɔ nii jogbaŋŋ yɛ shia moŋ, shi esaaa ni akɛ waonaa gbɛi woɔ shishi dã. Taakɛ afee yɛ afii enyɔ ni eho lɛ amli lɛ, akɛ waonaa gbɛi baawo wolo lɛ shishi yɛ Asafo Woloŋ Nikasemɔ hei lɛ ni aye he odase hu yɛ be mli ni woloŋ nikasemɔ nɔkwɛlɔi lɛ kwɛɔ enɛ feemɔ nɔ lɛ. Esa akɛ mɛi ni kɛ waonaa gbɛi woɔ shishi akɛ odasefoi lɛ ana ni wolo lɛ hiɛlɔ lɛ kɛ ewaonaa gbɛi miiwo shishi lɛlɛŋ. Abaafee enɛ yɛ be mli ni akpa woloŋ nikasemɔ ni afeɔ yɛ January 15 otsi lɛ mli lɛ sɛɛ nɔŋŋ. (Kwɛmɔ January 1994 Wɔ Maŋtsɛyeli Sɔɔmɔ lɛ baafa 2 lɛ kɛha enɛ feemɔ he saji fitsofitso. Kwɛmɔ November 2, 1991 wolo ni aŋma lɛ hu nɔ.) Shiɛlɔi fɛɛ ni abaptisi amɛ lɛ baanyɛ aŋmala Advance Medical Directive/Release wolo lɛ nɔ nii. Shiɛlɔi ni abaptisiko amɛ lɛ baanyɛ amɛkɛ wiemɔ ni akɛtsu nii yɛ wolo nɛɛ nɔ lɛ ato amɛ diɛŋtsɛ amɛ shihilɛi kɛ hemɔkɛyelii ahe ni amɛkɛfee amɛ diɛŋtsɛ amɛ wolo. Fɔlɔi baanyɛ aye abua amɛbii ni abaptisiko amɛ lɛ ni amɛŋmala Identity Card lɛ nɔ nii.

Lala 138 kɛ naagbee sɔlemɔ.

Otsi ni Jeɔ Shishi January 8

Lala 28

7 min: Asafoŋ adafitswai. Shika akɔntaabuu. Jiemɔ amɛyi jogbaŋŋ yɛ shika ni amɛkɛyeɔ amɛbuaa nyɛ asafo lɛ kɛ jeŋ muu fɛɛ nitsumɔ lɛ ni akɛtsuɔ nii kɛshiɛɔ sanekpakpa lɛ.

20 min: “Kristofoi Ajwɛŋmɔ yɛ Yarafeemɔi Ahe lɛ Mlihiɛmɔ.” Nɔ ni hɔ mli lɛ kukuji 1-14 lɛ hesusumɔ kɛtsɔ sanebimɔ-kɛ-hetoo nɔ ni onukpa baakwɛ nɔ.

18 min: “Nyɛfea Enɔyelɔi—Jeee Enulɔi Kɛkɛ.” Sanebimɔi kɛ hetooi. Kɛ be yɛ lɛ, asusu bɔ ni toiboo he hiaa ha lɛ he, ni edamɔ Insight wolo lɛ Kpo 2, baafa 521 lɛ mli kukuji 1 kɛ 2 lɛ nɔ.

Lala 70 kɛ naagbee sɔlemɔ.

Otsi ni Jeɔ Shishi January 15

Lala 77

7 min: Asafoŋ adafitswai. Asusu mɛi ni bɛ shia lɛ he naagbai ni yaa hiɛ lɛ he. Wo shiɛlɔi ahewalɛ ni amɛkɛ be lɛ atsu nii jogbaŋŋ kɛtsɔ mɛi ni ekolɛ amɛhoɔ yɛ amɛmasɛi, mɛi ni damɔ shi, loo mɛi ni tara tsɔnei amli lɛ nɔ.

20 min: “Kristofoi Ajwɛŋmɔ yɛ Yarafeemɔi Ahe lɛ Mlihiɛmɔ.” Sanebimɔ-kɛ-hetoo ni akɛaasusu nɔ ni hɔ mli lɛ kukuji 15-28 he. Maa je lɛŋ nifeemɔi ni aaakwa lɛ nɔ mi.

18 min: “Kuu Osɛɛ Koni Oyahere Mɛi Komɛi Ayiwala.” Atĩ shiɛmɔ wiemɔi ni akɛha lɛ mli. Jiemɔ oti ni ma hiɛ akɛ aaaje shia Biblia mli nikasemɔi ashishi lɛ yi oha.

Lala 156 kɛ naagbee sɔlemɔ.

Otsi ni Jeɔ Shishi January 22

Lala 200

5 min: Asafoŋ adafitswai.

20 min: “Na Teokrase Sɔɔmɔ Skul Kɛha 1996 lɛ He Sɛɛ—Fa 1.” Wiemɔ ni skul nɔkwɛlɔ kɛbaaha. Atĩ ŋaawoi ahe gbɛtsɔɔmɔi ni akɛha nikaselɔ nifeemɔi ni yɔɔ Theocratic Ministry School mli lɛ ni je kpo yɛ October 1995 Wɔ Maŋtsɛyeli Sɔɔmɔ mli lɛ mli.

20 min: “Okɛ Ekãafeemɔ Awie.” Wiemɔ kɛ sanegbaa ni onukpa baatsu he nii. Atĩ Hɔgbaa shiɛmɔyaa he gbɛjianɔ ni nyɛ asafo lɛ eto lɛ mli. Jiemɔ amɛyi yɛ sɛɛfimɔ kpakpa ni amɛkɛha lɛ hewɔ, ni okɛ he ni ehe hiaa ni aya hiɛ yɛ mli lɛ he ŋaawoi aha.

Lala 92 kɛ naagbee sɔlemɔ.

Otsi ni Jeɔ Shishi January 29

Lala 126

15 min: Asafoŋ adafitswai. Atĩ “Kpokpaa nɔ Kpee He Gbɛjianɔtoo Hee” lɛ mli.

15 min: Asafoŋ hiamɔ nii loo wiemɔ ni damɔ sane ni ji “Namɔ Tɔmɔ Ni?” ni jɛ February 1, 1995 Buu-Mɔɔ lɛ baafai 26-9 mli lɛ nɔ.

15 min: Okɛ Weku Shihilɛ Wolo lɛ Aha Yɛ February. Ha shiɛlɔi ni nyɛ amɛkɛ wolo lɛ ha loo amɛkɛje nikasemɔ shishi yɛ January lɛ aha niiashikpamɔ. Asusu otii ni abaanyɛ akɛtsu nii ni akɛ wolo lɛ aha oshijafoi, gbekɛbii, loo fɔlɔi lɛ he. Kaimɔ ni mɔ fɛɛ mɔ ana eko kɛha otsi nɛɛ naagbee lɛ shiɛmɔ ni abaaya.

Lala 143 kɛ naagbee sɔlemɔ.

Kpokpaa nɔ Kpee He Gbɛjianɔtoo Hee

¹ Kɛjɛ February 1996 kɛyaa lɛ, kpokpaa nɔ kpeei lɛ saneyitso lɛ baafee “Bo Nyɔŋmɔ Wiemɔ Toi ni Okase Bɔ ni Okɛbaatsu Nii.” Saneyitso ni damɔ 5 Mose 31:12, 13 nɔ nɛɛ kɛ nɔ ni hi jogbaŋŋ ni nifeemɔ muu lɛ baadamɔ nɔ lɛ haa, ni ekɛmaa nibii ni he hiaa ni wɔkase ni wɔkɛtsu nii lɛ nɔ mi.

² Eyɛ mli akɛ ŋmɛnɛ mɛi babaoo boɔ wiemɔ ni jɛɔ mumɔ ni lakaa mɔ lɛ mli lɛ toi moŋ, shi ehe miihia ni wɔteŋ mɔ fɛɛ mɔ abo Nyɔŋmɔ Wiemɔ toi ni wɔkase bɔ ni wɔkɛbaatsu nii. (Luka 11:28; 1 Tim. 4:1) Akɛni enɛ yɛ wɔ jwɛŋmɔ mli hewɔ lɛ, ato kpokpaa nɔ kpeei lɛ ahe gbɛjianɔ koni ekɛ hewalɛwoo kɛ yelikɛbuamɔ aha shiɛlɔi, wekui, onukpai, kɛ gbɛgbalɔi. Yɛ Hɔɔ lɛ, abaaha wiemɔ ni tsaraa nɔ ni hiɛ fãi ejwɛ ni hiɛ saneyitso, “Ní Wɔɔdamɔ Wɔ Naagbai Anaa—Kɛtsɔ Nyɔŋmɔ Wiemɔ Toiboo Nɔ.” Ni Hɔgbaa leebi lɛ, abaaha wiemɔ ni tsara nɔ ni yitso ji “Gbɛ ni Ŋmalɛi lɛ Tsɔɔ nɔ Etsɔseɔ Mɔ yɛ Jalɛ Mli.” Gbɛjianɔtoo muu lɛ fɛɛ kɛ mumɔŋ hewalɛwoo ni esaaa akɛ ejeɔ bo kɛ oweku lɛ sɛɛ lɛ baaha.

³ Yɛ Hɔɔ kɛ Hɔgbaa fɛɛ lɛ, akɛ shiɛmɔyaa he ŋaawoi kpakpai baaha ni afee he nɔkwɛmɔ nɔ. Akɛ niiashikpamɔi ni woɔ mɔ hewalɛ ni tsɔɔ mɔ nii kɛ saji ni abaabibii hu baaha. No hewɔ lɛ, kɛ ohi jɛmɛ ni obo sane toi kɛ yiŋtoo akɛ oootsu nɔ ni okaseɔ lɛ he nii lɛ, ebaanyɛ eha okɛ Nyɔŋmɔ Wiemɔ lɛ he kitai lɛ atsu nii jogbaŋŋ kɛmɔ shi.

⁴ Kpokpaa nɔ kpee lɛ mli nifeemɔi titrii lɛ ateŋ ekome baafee nyɛmimɛi hii kɛ yei heei lɛ abaptisimɔ. Dani amɛ henɔjɔɔmɔ he nifeemɔ yɛ faŋŋ mli baashɛ kwraa lɛ, esa akɛ mɛi ni sumɔɔ ni abaptisi amɛ lɛ atsɔɔ bɔ ni amɛshweɔ enɛ lɛ amɛtsɔɔ onukpai asɛinɔtalɔ lɛ, koni enyɛ eto gbɛjianɔ ni onukpai lɛ kɛ amɛ akpe.

⁵ Maŋshiɛmɔ ni abaaha yɛ kpokpaa nɔ kpeei sɔrɔtoi lɛ ashishi lɛ yitso ji “Mɛni Hewɔ Esa akɛ Biblia lɛ Akudɔ Bo?” Fɔɔ nine otsɛ mɛi ni yɔɔ wiemɔ lɛ he miishɛɛ lɛ koni amɛba. Akɛni wɔmiikpa gbɛ akɛ bo kɛ oweku lɛ nine baashɛ hewalɛwoo kɛ yelikɛbuamɔ ni he hiaa nɔ hewɔ lɛ, too gbɛjianɔ kpakpa ni oya eko kɛha gbɛjianɔtoo muu lɛ fɛɛ mli gbɛfaŋnɔ namɔ.