Saji Ni Atsɛ Yisɛɛ Yɛ Wɔshiɛmɔ Kɛ Wɔshihilɛ Kpee Nifeemɔ Wolo Lɛ Mli
SEPTEMBER 5-11
NYƆŊMƆ WIEMƆ LƐ MLI JWETRII | 1 MAŊTSƐMƐI 9-10
Pɛimɔ Ŋmalɛi Lɛ Amli Jogbaŋŋ
Ani Ole?
No mli lɛ, shika tsuru enyiɛ Maŋtsɛ Solomon yɔɔ?
Aŋma yɛ blema nɔ ko nɔ akɛ Ejipt farao Thutmose III (ehi shi be ko yɛ afi 2000 kɛyashi afi 1000 D.Ŋ.B.) kɛ shika tsuru aaafee tɔn 13.5 tee Amun-Ra sɔlemɔ shĩa ni yɔɔ Karnak lɛ, ni ninelɔi kpɛlɛɔ nɔ akɛ nɔ ni aŋma lɛ jeee amale. Be ko yɛ afi 800 kɛyashi afi 700 D.Ŋ.B. lɛ, Tiro maŋ lɛ hã Asiria maŋtsɛ Tiglat-pileser III shika tsuru ni fa fe tɔn 4 akɛ nikeenii, ni Sargon II lɛ kɛ shika tsuru ni shɛɔ nakai nɔŋŋ hã Babilon nyɔŋmɔi lɛ akɛ nikeenii. Abɔ amaniɛ akɛ, Makedonia maŋtsɛ Philip II lɛ (afi 359 kɛyashi afi 336 D.Ŋ.B.) nine shɛ shika tsuru ni fa fe tɔn 28 nɔ daa afi kɛjɛ Pangaeum ni yɔɔ Thrace, he ni atsaa shika tsuru yɛ lɛ.
Be ni Philip binuu Aleksanda Kpeteŋkpele lɛ (afi 336 kɛyashi afi 323 D.Ŋ.B.) ye Persia maŋ ni ji Susa lɛ nɔ kunim lɛ, abɔ amaniɛ akɛ, eloo shika tsuru aaafee tɔn 1,180 kɛjɛ jɛmɛ, kɛ shika tsuru aaafee tɔn 7,000 hu kɛjɛ Persia kpokpaa lɛ nɔ fɛɛ. Kɛ́ wɔkɛ amaniɛbɔi nɛɛ to nɔ ni Biblia lɛ wie yɛ shika tsuru ni no mli lɛ Maŋtsɛ Solomon yɔɔ lɛ he lɛ, belɛ, Biblia lɛ woko nii ahe.
SEPTEMBER 19-25
NYƆŊMƆ WIEMƆ LƐ MLI JWETRII | 1 MAŊTSƐMƐI 13-14
Pɛimɔ Ŋmalɛi Lɛ Amli Jogbaŋŋ
Etaoɔ Nɔ Ko Kpakpa Yɛ Wɔhe
Nɔ ni he hiaa ji akɛ, wiemɔi ni yɔɔ 1 Maŋtsɛmɛi 14:13 lɛ hãa wɔnaa Yehowa su ko ni yɔɔ fɛo kɛ nɔ ni etaoɔ yɛ wɔhe. Kaimɔ akɛ “ena nɔ ko” kpakpa yɛ Abiya tsui mli. Ekã shi faŋŋ akɛ, Yehowa tao Abiya tsui mli aahu kɛyashi ena nɔ kpakpa ko kɛ̃ yɛ mli. Nilelɔ ko wie akɛ, kɛ́ akɛ Abiya to ewekumɛi lɛ ahe lɛ, etamɔ adiagba kome “yɛ fɔbitɛi babaoo diɛŋtsɛ ateŋ.” Yehowa hiɛ sɔ nɔ kpakpa ni yɔɔ emli lɛ, ni ena efɔŋfeelɔi aweku lɛ mli nyo nɛɛ mɔbɔ, ni tsɔɔ akɛ ejwere lɛ.
HII SHI AKƐ KRISTOFONYO
Nɔ Ni Baahã Onijiaŋ Akaje Wui Kɛ́ Ohe Fi Bo
g 1/10 8-9, akrabatsai
NITSUMƆ NI OBAAJE KPO OYATSU
Yɛ je lɛŋ hei komɛi lɛ, kɛ́ anáaa nitsumɔ lɛ, nitsumɔi komɛi ni obaanyɛ otsu nɛ:
● Shĩakwɛmɔ (kɛ́ mɛi fã gbɛ koni amɛyatsu nii loo amɛyawo amɛtsui fioo lɛ, ekolɛ amɛbaasumɔ ni akwɛ amɛshĩa nɔ ahã amɛ)
● Shwapoi, ɔfisii, shĩai loo tsũi ahewɔ kɛ amɛmli saamɔ be ni ama agbe naa, loo be ni amɛshã, loo be ni mɛi efã yɛ mli; mɛi ashĩai kɛ amɛhewɔ kɛ amɛmli saamɔ; ɔfisii asamfɛji kɛ mɛi ashĩai asamfɛji ahe shamɔ
● Nibii asaamɔ: baisiko; nibii tamɔ iron, blender, kɛ ekrokomɛi ni akɛtsuɔ nii yɛ shĩa (kɛ́ otee library lɛ, obaana woji ni shishinumɔ waaa ni tsɔɔ bɔ ni asaa nibii komɛi ahãa)
● Gbogboi ahe haa; cabinet, shinaa, loo ablanaafeemɔ; pɛntemɔ; afabaŋfoo; tsũnɔwoo
● Ŋmɔshi nitsumɔ: nidumɔ, aduawatsemɔ, nikpamɔ
● Tsei kɛ fɔfɔi dumɔ kɛ amɛhe nitsumɔ: yɛ ɔfisii, shikatoohei, asai anɔ, shwapoi wuji amli, kɛ ablanai anɔ
● Tsũi kɛ shĩai anɔkwɛmɔ (bei komɛi lɛ, ahãa mɔ lɛ he ko ewɔɔ ni ewóoo he nyɔmɔ)
● Kapɛtŋmɛɛ kɛ enɔshamɔ (loo ehefɔmɔ), tsei ni akɛwoɔ shikpɔŋ tamɔ kapɛt yɛ tsũi amli kɛ amɛnɔshamɔ
● Adafitswaa woji jaramɔ (onukpai kɛ gbekɛbii fɛɛ) kɛ nibii krokomɛi jaramɔ: woji ni akɛtswaa nibii ahe adafi, woji ni amralofoi kɛbiɔ nyɔmɔ
● Mɛi ni miifã kɛmiiya he kroko ayelikɛbuamɔ, nii ni akɛyatoɔ ahãa mɛi
● Tsei kɛ fɔfɔii dumɔ kɛ amɛhe nitsumɔ yɛ hei kɛ shĩai amli koni jɛmɛ afee fɛo, tsei ahe saamɔ, tsei folɔmɔ
● Skul tsɔne draivimɔ
● Fotoshamɔ (mɛi loo nifeemɔi)
● Kpoŋnaa loo hɔɔmɔ
● Tsu nitsumɔ ko ni ole tsumɔ ohã mɛi ni leee tsumɔ lɛ koni amɛ hu amɛtsu nɔ ko ni amɛle ni oleee lɛ amɛhã bo: saamɔ tsɔne ohã mɔ ko ni tsuɔ ilɛtrik he nii, ni lɛ hu esaa ilɛtrik nɔ ko ehã bo, kpɛɛ nii ohã plɔmba, ni lɛ hu etsu plɔmba nitsumɔ ehã bo
Kɛ́ ootao enɛ he saji krokomɛi lɛ, kwɛmɔ March 8, 1996 Awake! lɛ baafa 3-11 lɛ.
NITSUMƆ NI OBAATSU YƐ SHĨA
Okɛ ohiɛ afɔ̃ shi ni ona nibii ni he baahia mɛi yɛ he ni oyɔɔ lɛ. Bi okutsoŋbii lɛ. Kaata shi efolo, feemɔ nɔ ko yɛ shihilɛ lɛ he.
● Gbekɛbii ni akwɛɔ be ni amɛfɔlɔi bɛ shĩa, gbekɛbii akwɛmɔ
● Du nibii tamɔ ameo, sɛbɛ, loo fɔfɔii yɛ shĩa ni ohɔ̃ɔ; feemɔ juice ni ohɔ̃ɔ
● Nikpɛɛ kɛ atadei saamɔ (alteration)
● Feemɔ nii ohã nitsumɔhe ko yɛ shĩa
● Nishãa kɛ nihoomɔ
● Niloomɔ; nishɔ̃ɔ; ŋaa nitsumɔi krokomɛi
● Mama loo cushion ni akɛwoɔ sɛ̃i, okpɔlɔ, saatso kɛ nibii krokomɛi anɔ loo akɛhaa he
● Bookkeeping, taipimɔ, nibii ni obaafee yɛ okɔmpiuta nɔ yɛ shĩa ohã mɛi
● Fon nɔheremɔ kɛhã mɛi loo nitsumɔhei
● Yitsɔifeemɔ
● Hã mɛi abahi oŋɔɔ ni amɛwo nyɔmɔ fioo ko
● Tsu nii ohã jarayeli he adafitswalɔi; okɛ lɛtai ni amɛŋmala lɛ awo envelope mli ni okɛ adrɛs awo sɛɛ ni akɛmaje mɛi
● Kar he fɔmɔ kɛ waxing (akɛ kar lɛ baaba oshĩa lɛ)
● Shĩa kooloi tamɔ gbei loo alɔntei ahejuu kɛ amɛhe saamɔ, kɛ amɛkpɔiaŋ gbɔlemɔ
● Kladowa loo klɔklɔ saamɔ kɛ samfeefoo (obaatsu yɛ shĩa)
Kadimɔ: Yɛ nitsumɔi ni atsĩ tã lɛ pii agbɛfaŋ lɛ, abaanyɛ atswa amɛhe adafi yɛ jarayeli adafitswaa woji komɛi amli loo yɛ shwapoi wuji adafitswaa taoi anɔ ni aheee nɔ ko loo abaawo he nyɔmɔ fioo ko pɛ.
SEPTEMBER 26–OCTOBER 2
NYƆŊMƆ WIEMƆ LƐ MLI JWETRII | 1 MAŊTSƐMƐI 15-16
“Asa Fee Ekãa—Bo Hu Ofeɔ Nakai?”
it-1 184-185
Asa
Eyɛ mli akɛ bei komɛi lɛ Asa eyajieee hiɛshikamɔ kɛ sɛɛyoomɔ kpo moŋ, shi ekã shi faŋŋ akɛ, esui kpakpai kɛ jamɔ krɔŋŋ ni ekpɛtɛ he lɛ tsii fe etɔmɔi lɛ, ni no hewɔ lɛ abu lɛ afata Yuda maŋtsɛmɛi anɔkwafoi lɛ ahe.—2Kr 15:17.
OCTOBER 17-23
NYƆŊMƆ WIEMƆ LƐ MLI JWETRII | 1 MAŊTSƐMƐI 21-22
“Kasemɔ Bɔ Ni Yehowa Kɛ Hegbɛ Ni Eyɔɔ Lɛ Tsuɔ Nii Lɛ”
it-2 21
Yehowa, Taiatsɛ
Be ni Yoshua na ŋwɛibɔfo ko ni ba eŋɔɔ yɛ he ko ni bɛŋkɛ Yeriko lɛ, ebi bɔfo lɛ kɛji eyɛ Israel gbɛfaŋ loo eyɛ amɛhenyɛlɔi lɛ agbɛfaŋ, ni bɔfo lɛ hã lɛ hetoo akɛ: “Dabi, shi moŋ miba akɛ Yehowa asraafoi lɛ anɔ lumɔ.” (Yos 5:13-15) Gbalɔ Mikaia kɛɛ Maŋtsɛ Ahab kɛ Maŋtsɛ Yehoshafat akɛ, “Mina Yehowa ta emaŋtsɛ sɛi lɛ nɔ, ni ŋwɛi asraafoi lɛ fɛɛ damɔ emasɛi, yɛ eninejurɔ kɛ ebɛku,” ni ekã shi faŋŋ akɛ ekɔɔ Yehowa bɔfoi lɛ ahe. (1Ma 22:19-21) Wiemɔ ni ji “tai” ni fata gbɛnaa gbɛ́i ni ji “Yehowa, taiatsɛ” lɛ he lɛ sa, ejaakɛ awieee kɛkɛ akɛ ayɛ kerubim, serafim, kɛ ŋwɛibɔfoi, (Yes 6:2, 3; 1Mo 3:24; Kpo 5:11) shi moŋ, ayɛ ŋwɛibɔfoi akuikui ni ato amɛhe gbɛjianɔ jogbaŋŋ hu, ni no hewɔ Yesu Kristo nyɛ ekɛɛ akɛ ebaanyɛ ebi ni ahã lɛ “ŋwɛibɔfoi ni fa fe lejioi 12” lɛ.—Mat 26:53.
it-2 245
Amale
Gbalɔi amalelɔi komɛi kɛɛ Ahab baaye Ramot-gilead nɔ kunim, shi Yehowa gbalɔ Mikaia kɛɛ sane fɔŋ baaba enɔ. Ahã Mikaia na yɛ ninaa ko mli akɛ Yehowa hã ŋwɛibɔfo ko kɛ “amale wiemɔi” yawo Ahab gbalɔi lɛ anaa. Kɛ́ wɔɔkɛɛ lɛ, ŋwɛibɔfo nɛɛ kudɔ amɛ koni amɛkawie anɔkwale, shi moŋ amɛwie nɔ ni amɛ diɛŋtsɛ amɛmiisumɔ ni amɛwie kɛ nɔ ni Ahab miisumɔ ni enu yɛ amɛnaa lɛ. Eyɛ mli akɛ abɔ Ahab kɔkɔ moŋ, shi ebo amalei lɛ toi ni ekɛ ewala tse.—1Ma 22:1-38; 2Kr 18.
OCTOBER 31–NOVEMBER 6
NYƆŊMƆ WIEMƆ LƐ MLI JWETRII | 2 MAŊTSƐMƐI 3-4
Pɛimɔ Ŋmalɛi Lɛ Amli Jogbaŋŋ
it-2 697 kk. 2
Gbalɔ
“Gbalɔi Abii.” Wolo ni ji, Gesenius’ Hebrew Grammar lɛ tsɔɔ mli akɛ, (Oxford, 1952, bf. 418), Hebri wiemɔ ni ji ben (bi) loo benehʹ (bii) lɛ baanyɛ atsɔɔ “kuu ko ni mli bii lɛ tsuɔ nitsumɔ pɔtɛɛ ko loo asafo ko (loo weku ko, loo kuu ko ni mli bii lɛ hiɛ gbɛnaa pɔtɛɛ ko) lɛ mli nyo loo mli bii.” (Okɛto Ne 3:8 lɛ he, yɛ jɛmɛ lɛ wiemɔ ni ji, “tsofa-kɛ-ŋma futulɔi lɛ ateŋ mɔ kome lɛ” shishi ŋmiiŋmi ji, “tsofa-kɛ-ŋma futulɔi lɛ abi.”) No hewɔ lɛ, eeenyɛ efee akɛ, akɛ wiemɔ ni ji “gbalɔi abii lɛ” tsuɔ nii kɛhãa mɛi ni yaa skul ni akɛtsɔɔ gbalɔi anii, loo akɛtsuɔ nii kɛhãa gbalɔi akuu ko. Awie akɛ gbalɔi akui lɛ eko yɛ Betel, Yeriko, kɛ Gilgal.—2Ma 2:3, 5; 4:38; okɛto 1Sa 10:5, 10 lɛ he.