‘Wui Ni Egbigbii’ Kɛ ‘Odasefoi Enyɔ Lɛ’​—Mɛɛ Tsakpãa Yɔɔ Amɛteŋ?

GBALƐI enyɔ komɛi ni tsakpãa yɔɔ amɛteŋ lɛ ba mli yɛ afi 1919: ekome kɔɔ ‘wui ni egbigbii’ ahe, ni ekroko lɛ hu kɔɔ ‘odasefoi enyɔ lɛ’ ahe. Ninaa ni kɔɔ ‘wui ni egbigbii’ lɛ ahe lɛ ji gbalɛ ni tsɔɔ be kplaŋŋ ko (ni ji afii ohai abɔ) ni baaba naagbee be ni kuu babaoo ko ni ji Nyɔŋmɔ webii lɛ eba wala mli lɛ. (Eze. 37:2-4; Kpo. 11:1-3, 7-13) Gbalɛ ni kɔɔ ‘odasefoi enyɔ lɛ’ ahe lɛ damɔ shi kɛhã be kukuoo ko (enɛ ba mli kɛjɛ afi 1914 lɛ naagbee gbɛ kɛyashi afi 1919 lɛ mra mli), ni nakai be lɛ baaba naagbee be ni kuu bibioo ko ni ji Nyɔŋmɔ tsuji lɛ eba wala mli. Gbalɛi enyɔ lɛ fɛɛ tsɔɔ akɛ abaatee mɛi ashi yɛ mfonirifeemɔŋ, ni gbalɛi enyɔ lɛ fɛɛ ba mli yɛ wɔgbii nɛɛ amli hu yɛ afi 1919, be ni Yehowa hã etsuji ni afɔ amɛ mu lɛ ‘te shi amɛdamɔ amɛnaji anɔ,’ amɛje nom ni Babilon Kpeteŋkpele lɛ ŋɔ amɛ lɛ mli, ni abua amɛnaa awo asafo ni ato shishi ekoŋŋ lɛ mli lɛ.​—Eze. 37:10.

Shi kadimɔ akɛ, nɔ kome ko yɛ ni sa kadimɔ waa yɛ bɔ ni gbalɛi enyɔ nɛɛ ba mli ehã lɛ he. Gbalɛ ni kɔɔ ‘wui ni egbigbii’ lɛ ahe lɛ tsɔɔ akɛ, mɛi ni afɔ amɛ mu lɛ ateŋ mɛi ni eshwɛ lɛ fɛɛ baaba wala mli. Shi gbalɛ ni kɔɔ ‘odasefoi enyɔ lɛ’ ahe lɛ tsɔɔ akɛ, Nyɔŋmɔ tsuji ni efɔ amɛ mu lɛ ateŋ mɛi ni eshwɛ lɛ ekomɛi, ni ji mɛi ni no mli lɛ amɛnyiɛɔ hiɛ yɛ asafo lɛ mli ni ahala amɛ akɛ “nyɔŋ anɔkwafo kɛ hiɛshikalɔ lɛ” baaba wala mli.​—Mat. 24:45; Kpo. 11:6.a

“Shikpɔŋ Kplanaa Lɛ . . . Gbɔmɛi Awui Eyi Nɔ Obɔ”​—Ezek. 37:1

1. AFI 100 Ŋ.B. SƐƐ

   Kɛjɛ afi 100 Ŋ.B. kɛbaa lɛ, agbe asafo ni ji Kristofoi ni afɔ amɛ mu lɛ yɛ mfonirifeemɔŋ, ni no hã “shikpɔŋ kplanaa lɛ” nɔ yi obɔ kɛ “gbɔmɛi awui”

2. AFI 1919 MRA MLI

   Afi 1919: ‘Wui ni egbigbii’ lɛ ba wala mli be ni Yehowa hã mɛi ni afɔ amɛ mu lɛ fɛɛ shi Babilon Kpeteŋkpele lɛ mli koni abua amɛnaa awo asafo ni ato shishi ekoŋŋ lɛ mli lɛ

‘Odasefoi Enyɔ’​—Kpo. 11:3

1. AFI 1914 NAAGBEE GBƐ

   “abu kpekpe” kɛshiɛ

   Afi 1914: ‘Odasefoi enyɔ lɛ bumɔ kpekpe’ kɛshiɛ afii etɛ kɛ fã. Be ni nakai be lɛ ba naagbee lɛ, agbe amɛ yɛ mfonirifeemɔŋ

2. mfonirifeemɔŋ gbele

3. AFI 1919 MRA MLI

   Afi 1919: ‘Odasefoi enyɔ lɛ’ ba wala mli be ni ahala mɛi ni afɔ amɛ mu lɛ ateŋ kuu bibioo ko ni no mli lɛ amɛnyiɛɔ hiɛ yɛ asafo lɛ mli lɛ akɛ “nyɔŋ anɔkwafo kɛ hiɛshikalɔ lɛ”