Teokrase Sɔɔmɔ Skul lɛ Mlitĩi

Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul nifeemɔ lɛ mli yɛ otsi ni jeɔ shishi kɛjɛ April 25, 2011 lɛ mli. Skul nɔkwɛlɔ lɛ kɛ minitii 20 baafee saji amlitĩi lɛ, ni ebaadamɔ nifeemɔi ni afee kɛjɛ March 7 kɛyashi April 25, 2011 otsi lɛ nɔ.

1. Mɛɛ gbɛ nɔ “shikpɔŋ lɛ nɔ bii lɛ ateŋ mɛi pii tsɔmɔ Yudafoi”? (Ester 8:17) [w06 3/1 bf. 11 kk. 3]

2. Mɛni hewɔ Yehowa ŋmɛ Satan gbɛ ni ebapue yɛ ehiɛ lɛ? (Hiob 1:6; 2:1) [w06 3/15 bf. 13 kk. 6; it-2-E bf. 16 kk. 4]

3. Mɛni Satan tsɔɔ lɛ beni ebi akɛ, “Ani yaka Hiob sheɔ Nyɔŋmɔ gbeyei lɛ”? (Hiob 1:9) [w94 11/15 bf. 11 kk. 6]

4. Mɛni hewɔ le ni wɔle akɛ Yehowa lɛ, “nilelɔ ji lɛ yɛ tsui mli kɛ hewalɔ hu yɛ nyɛmɔ mli” lɛ haa wɔtsɛɔ wɔtsuii wɔŋmɛɔ wɔmli lɛ? (Hiob 9:4) [w07 5/15 bf. 25 kk. 16; it-2-E bf. 1190 kk. 3]

5. Mɛɛ gbɛ nɔ wiemɔ ni Elifaz wie akɛ gbɔmɔ nuɔ “nɔ̃ sha tamɔ anuɔ nu” lɛ tsɔɔ akɛ ehiɛ Satan susumɔ lɛ eko? (Hiob 15:16) [w10 2/15 bf. 20 kk. 1-2]

6. Mɛni wɔbaanyɛ wɔkase kɛjɛ bɔ ni Hiob kɛ dɔlɛ babaoo wo egbee nɔ kɛwie wiemɔi ni wɔnaa yɛ Hiob 19:2 lɛ mli? [w94 10/1 bf. 32 kk. 1-5]

7. Mɛni ye ebua Hiob ni etee nɔ eye anɔkwa lɛ? (Hiob 27:5) [w09 4/15 bf. 6 kk. 17]

8. Te wɔɔfee tɛŋŋ wɔkase Hiob kɛ́ wɔna akɛ ehia mɛi komɛi lɛ? (Hiob 29:12, 13) [w02 5/15 bf. 22 kk. 19; w94 9/15 bf. 24 kk. 2]

9. Mɛɛ gbɛ nɔ Elihu ŋaawoo lɛ yɔɔ sɔrɔto yɛ Hiob nanemɛi etɛ lɛ anɔ lɛ he? (Hiob 33:1, 6) [w95 2/15 bf. 29 kk. 3]

10. Kɛ́ wɔjwɛŋ Yehowa naakpɛɛ nitsumɔi lɛ anɔ lɛ, te esa akɛ ená wɔnɔ hewalɛ eha tɛŋŋ? (Hiob 37:14) [w06 3/15 bf. 16 kk. 4]