Zɔk nɛ zioa bhandi bɛ mɛ ha zang fami bɛ Jéhovah

1. Gete hio anamɔ apeut mɔ tɛ hazu ɔ ka ɔ baa zu hazu hio mɔ fɛt ka Jéhovah créé?

TONGANA e gbu li na ndö ti aye kue so Jéhovah acréé, peut-être e yeke pensé tongana David, mbeni zo ti sungo psaume, so ahunda ndo na yâ ti sambela, atene: “Tongana mbi bâ yayu, akusala ti maboko ti mo, nze na atongoro so mo leke, zo ti sese ayeke nyen si mo bi bê ti mo na lo? Nga molenge ti zo ayeke nyen si mo bâ lege ti lo?” (Ps. 8:3, 4). Legeoko tongana David, e peut ti pensé so e yeke kete mingi tongana a haka e na atongoro so Jéhovah acréé, na li ti e ayeke kpe ti bâ so Jéhovah ayeke pensé na e. Me e yeke bâ ande so Jéhovah ayeke pensé lani na kozo koli na kozo wali, Adam na Ève, nga lo sara si ala ga mbage ti sewa ti lo.

2. Getemɔ Jéhovah ngoya soeki nde Adam nɛ Ève ade nde?

² Adam na Ève ayeke lani akozo molenge ti Jéhovah na ndö ti sese, na Jéhovah ayeke lani Babâ ti ala ti yayu so aye ala. Lo mû lani mbeni kua na ala ti sara. Nzapa atene lani na ala, atene: “Ala dü, ala ga gbani, ala si ndö ti sese na ala sara si sese ni aga na gbe ti ala.” (Gen. 1:28). Lo ye lani ti tene ala dü amolenge nga ala bâ lege ti sese ni nzoni. Tongana Adam na Ève amä lani yanga ti Jéhovah nga ala sara ye so lo hunda na ala ti sara, ala na amolenge ti ala ayeke ngbâ lakue lakue na yâ ti sewa ti Nzapa.

3. Hazu ge ɔ peut mɔ tɔ nde Adam nɛ Ève mɛ soeki nɛ gasa bhandi ha zang fami bɛ Jéhovah?

³ Adam na Ève ayeke lani na kota place na yâ ti sewa ti Jéhovah. Tongana ti so a fa na Psaume 8:5, David atene na ndö ti zo so Jéhovah acréé lo, atene: “Mo kiri na lo kete kamême na gbe ti a-ange, na mo zia couronne ti gloire nga na ti nengo zo na li ti lo.” Tâ tënë, Jéhovah amû lani pëpe na azo oko ngangu, hingango ndo nga na akode so lo mû na a-ange (Ps. 103:20). Me, zo ayeke na “gbe ti” angangu créature ti yingo so gï “kete”. Ye so ahon gbungo li ti zo! Na ngoi so lani Jéhovah acréé kozo babâ na mama ti e, lo mû na ala mbeni pendere gigi.

4. Getemɔa hɔ soeki ha Adam nɛ Ève hazu ɛngɛ mbua kafa nu Jéhovah? Getemɔ ɔ be zɔk ha zang article kɛ nde?

⁴ Mawa ni ayeke so Adam na Ève aperdre lani place ti ala na yâ ti sewa ti Jéhovah. Ye so aga na angangu kpale na ahale ti ala, tongana ti so e yeke bâ na yâ ti article so. Me ye so Jéhovah aleke na bê ti lo ti sara achangé ape. Lo ye ti tene azo so amä yanga aduti amolenge ti lo teti lakue lakue. Kozoni, zia e bâ tongana nyen la Jéhovah afa so lo ne e. Na pekoni, e yeke bâ ye so e peut ti sara laso ti fa so e ye ti duti na yâ ti sewa ti Nzapa.

HIO MƆ KA JÉHOVAH DEA MƆ OSI NDE AZISOSO HIO WI

5. Mɛng ga ɔ peut mɔ ha zio ha Sɔ hazu a dea ɔ nɛ image bea?

⁵ Jéhovah ane e na lege so lo sara e na image ti lo (Gen. 1:26, 27). So Nzapa asara e na image ti lo, e peut ti gi ti duti na apendere sarango ye ti lo mingi, na tapande ndoye, bango mawa ti zo, dutingo be-ta-zo nga na sarango ye mbilimbili (Ps. 86:15; 145:17). Tongana e yeke na apendere sarango ye so, e yeke mû gloire na Jéhovah nga e yeke fa so e kiri singila na lo (1 Pi. 1:14-16). Tongana e sara aye so anzere na Babâ ti e ti yayu, e yeke duti na ngia. Nga, so e yeke na asarango ye so Jéhovah ayeke na ni, e peut ti duti azo so lo ye ti tene e duti na yâ ti sewa ti lo.

6.Mɛng ga Jéhovah haa zio ha hio wi ha ngimɔ ka wɛnɛ crée nu?

⁶ Jéhovah aleke mbeni ndo so ayeke nzoni mingi ndali ti e. Angoi mingi kozo ti tene Jéhovah aleke kozo koli, lo leke sese ti tene azo aduti dä (Job 38:4-6; Jér. 10:12). So Jéhovah ayeke pensé mingi na zo nga lo ye ti mû ye mingi na zo, lo leke anzoni ye mingi ti sara si e duti na ngia (Ps. 104:14, 15, 24). Na ambeni ngoi, lo gbu li na ndö ti aye so lo créé, na lo ‘bâ so a yeke nzoni.’ (Gen. 1:10, 12, 31). Lo ne azo na lege so lo mû na ala “komandema na ndö ti” apendere ye kue so lo créé na ndö ti sese (Ps. 8:6). Nzapa aleke na bê ti lo ti tene azo so ayeke mbilimbili-kue aduti na ngia ti bâ lege ti apendere ye so lo sara teti lakue lakue. Eskê mo yeke kiri singila lakue na Jéhovah ndali ti pendere zendo so?

7. Mɛng ga Josué 24:​15 osa nde wi nɛ liberté mɔ Sali mɔ?

⁷ Jéhovah amû na e liberté ti soro ye so e ye ti sara. E peut ti soro ye so e ye ti sara na yâ ti gigi ti e. (Diko Josué 24:15.) Nzapa ti e so aye e ayeke na ngia tongana e soro ti sara na lo (Ps. 84:11; aProv. 27:11). E peut ti sara kua nzoni na liberté ti e ti soro ye na yâ ti aye mingi. Zia e bâ tapande ti Jésus.

8. Nɛ gete wal ga Jésus dea tom nɛ ngaya ka wɛnɛ nɛ yo mɔ Sali mɔ?

⁸ Tongana e mû tapande ti Jésus, e peut ti soro ti zia aye so agbu bê ti amba ti e kozo na ti e. Mbeni lâ, na ngoi so Jésus na abazengele ti lo afatigué mingi, ala gue na mbeni ndo so ayeke kpô so ala pensé so ala peut ti wu terê ti ala dä. Me ala wu terê ti ala ape. Gbâ ti azo aga awara ala, na ala yeke ku kungo ti tene Jésus afa ye na ala. Bê ti Jésus ason ape, me mawa ti azo ni asara lo. Tongaso, nyen la Jésus asara? “Lo to nda ti fa aye mingi na ala.” (Marc 6:30-34). Tongana e mû tapande ti Jésus na lege so e sara kua na ngoi ti e nga na ngangu ti e ti mû maboko na azo, e yeke mû gloire na Babâ ti e ti yayu (Mat. 5:14-16). E yeke fa nga na Jéhovah so e ye ti duti na yâ ti sewa ti lo.

9. Getemɔ ga nɛ dedea nde hio gdibafa nɛ hio gdinana a eli na nde?

⁹ Jéhovah amû lege na azo ti dü amolenge nga lo mû na ala kua ti fa na ala ti ye lo nga ti sara na lo. Tongana mo yeke babâ wala mama, eskê mo kiri singila ndali ti pendere cadeau so? Atâa so Jéhovah asara tufa mingi na ndö ti a-ange, lo mû na ala pasa ti dü molenge ape. Tongaso, tongana mo yeke babâ wala mama, kiri singila ndali ti pasa so mo yeke na ni ti bata amolenge. Jéhovah amû na ababâ na amama kota kua ti bata amolenge ti ala alingbi na “fango lege nga na wango ti gbotongo mê so alondo na [lo].” (aÉph. 6:4; Deut. 6:5-7; Ps. 127:3). Ti mû maboko na ababâ na amama, bungbi ti Jéhovah asigi na gbâ ti aye so ague oko na ye so Bible afa, na tapande ambeti, avidéo, abia nga na aye so ayeke na ndö ti Internet. A yeke polele so Jéhovah na Molenge ti lo aye amolenge mingi (Luc 18:15-17). Tongana ababâ na amama azia bê ti ala na Jéhovah nga ala sara ye kue so ala peut ti sara ti bâ lege ti amolenge ti ala, so ayeke ye ti ngangu ngere, a yeke nzere na Jéhovah mingi. Ababâ na amama so asara tongaso ayeke mû lege na amolenge ti ala ti duti na yâ ti sewa ti Jéhovah teti lakue lakue.

10-11. Getemɔ Jéhovah gbosara wala ha ɔ grâce nɛ mɔ ka ɛ kpea mɔ kusi hio wi?

¹⁰ Jéhovah amû Molenge ti lo so lo ye lo mingi, tongaso si e peut ti kiri ti ga amembre ti sewa ti lo. Tongana ti so e bâ na paragraphe 4, Adam na Ève aperdre lani place ti ala nga na ti amolenge ti ala na yâ ti sewa ti Jéhovah (aRom. 5:12). Adam na Ève ake yanga ti Nzapa na mbana, tongaso ala lingbi ti tene a zi ala na yâ ti sewa ti lo. Ka ti amolenge ti ala? Na ndoye, Jéhovah aleke ti tene ambeni molenge ti ala so amä yanga aga na yâ ti sewa ti lo na lege so lo mû ala ti ga amolenge ti lo. Lo sara ni na lege ti sandaga ti oko Molenge ti lo, Jésus Christ (Jean 3:16; aRom. 5:19). Grâce na sandaga ti Jésus, Nzapa amû azo 144 000 so ayeke be-ta-zo ti ga amolenge ti lo.—aRom. 8:15-17; Apoc. 14:1.

¹¹ Na ndö ni, azo kutu mingi so ayeke be-ta-zo ayeke sara ye so bê ti Nzapa aye. Ala yeke na beku ti ga amembre ti sewa ti Nzapa na peko ti ndangba tara na hunzingo ti Komandema ti Christ ti ngu saki oko (Ps. 25:14; aRom. 8:20, 21). So ala yeke na beku so, même laso ala yeke iri Jéhovah, so acréé ala, “Babâ”. (Mat. 6:9). Azo so a yeke zingo ande ala na kuâ ayeke wara nga lege ti hinga aye so Jéhovah ahunda na ala ti sara. Na nda ni, ala so asoro ti sara ye alingbi na afango lege ti lo ayeke ga ande nga amembre ti sewa ti lo.

12. Gete anamɔ ɔ be kifiri wen ha yo sising nde?

¹² Tongana ti so e bâ fade, Jéhovah la amû li ni ti ne azo na alege mingi. Lo mû azo so a soro ala ti gue na yayu ti ga amolenge ti lo awe, nga lo mû na “azo mingi mingi” beku ti ga amolenge ti lo na yâ ti fini dunia (Apoc. 7:9). Nyen la e lingbi ti sara laso ti fa na Jéhovah so e ye ti duti na yâ ti sewa ti lo lakue lakue?

OSI HA JÉHOVAH NDE MƐ NGOY MƆ DUNG HA ZANG FAMI BƐA

13. Getemɔ ɔ peut mɔ de mɔ tɛ hio menbre mɔ fami bɛ Sɔ? (Marc 12:​30) 

¹³ Fa so mo ye Jéhovah na lege so mo sara na lo na bê ti mo kue. (Diko Marc 12:30.) Na popo ti acadeau kue so Nzapa amû na e na nzoni bê, peut-être mbeni kota ni ayeke ngangu so e yeke na ni ti voro lo. E yeke fa so e ye Jéhovah na lege so e “bata acommandement ti lo”. (1 Jean 5:3). Jésus, so ayeke sara lani tënë na iri ti Babâ ti lo, amû na e commandement ti sara adisciple nga ti batize ala (Mat. 28:19). Lo hunda nga na e ti ye terê na popo ti e (Jean 13:35). Jéhovah ayeke sara si azo so amä yanga ti lo aga na yâ ti sewa ti awakua ti lo so ayeke na yâ ti dunia kue.—Ps. 15:1, 2.

14. Mɛng ga ɔ peut mɔ osi nde ɔ ngoya hio wi? (Matthieu 9:​36-38 aRomain 12:​10) 

¹⁴ Fa so mo ndoye azo. Ndoye ayeke kota sarango ye ti Jéhovah (1 Jean 4:8). Jéhovah afa so lo ndoye e kozo si e hinga lo (1 Jean 4:9, 10). E yeke sara ye tongana lo tongana e ndoye amba ti e (aÉph. 5:1). Mbeni nzoni lege so e peut ti fa so e ndoye azo ayeke ti mû maboko na ala ti hinga Jéhovah na ngoi so ngoi angbâ ti tene e sara ni. (Diko Matthieu 9:36-38.) Tongana e sara ni, e yeke mû lege na ala ti duti na beku ti ga amembre ti sewa ti Nzapa. Na peko ti so mbeni zo awara batême, e doit ti ngbâ ti ndoye lo nga ti ne lo (1 Jean 4:20, 21). E yeke sara ni tongana nyen? Mbeni lege ti sara ni ayeke ti duti na confiance na lo. Na tapande, e yeke tene ape so sioni bibe la apusu lo ti sara ye wala lo gi gï nzoni ti lo. Me e yeke ne ita ti e na lege so e bâ lo tongana zo so ayeke kota ahon e.—Diko aRomain 12:10; aPhil. 2:3.

15. Hio gete wi ɔ doit mɔ de dede sila ha tɛ mbua nde?

¹⁵ Sara nzoni bê na azo kue. Tongana e ye ti ngbâ na yâ ti sewa ti Jéhovah lakue lakue, a lingbi e sara ye alingbi na aye so Bible afa. Na tapande Jésus afa na e so a yeke nzoni e sara nzoni bê na azo kue, même na awato ti e (Luc 6:32-36). Na ambeni ngoi e peut ti bâ so a yeke ngangu ti sara ni. Tongana a yeke tongaso, a lingbi e manda ti pensé nga ti sara ye tongana Jésus. Tongana e sara kue ti mä yanga ti Jéhovah nga ti sara ye tongana Jésus, e yeke fa na Babâ ti e ti yayu so e ye ti ngbâ na yâ ti sewa ti lo lakue lakue.

16. Getemɔ ɔ lɛma mɔ de mɔ tɔ nde ling fami bɛ Jéhovah a gdang na nde?

¹⁶ Sara si iri ti sewa ti Jéhovah abuba ape. Na yâ ti mbeni sewa, mingi ni mbeni kete molenge-koli ayeke sara aye so yaya ti lo ayeke sara. Tongana yaya ni asara ye alingbi na amama-ndia ti Bible, lo yeke zia nzoni tapande na ngambe ti lo. Tongana yaya ni akomanse ti sara asioni ye, peut-être ngambe ni ayeke mû sioni tapande ti lo. A yeke nga tongaso na yâ ti sewa ti Jéhovah. Tongana mbeni Chrétien so ayeke lani be-ta-zo aga apostat wala lo sara asioni ye, ambeni Chrétien apeut ti mû peko ti lo ti sara aye so ayeke sioni. Azo so asara ye tongaso ayeke buba iri ti sewa ti awakua ti Jéhovah (1 aThes. 4:3-8). A lingbi e mû pëpe peko ti asioni tapande nga a lingbi e zia pëpe si mbeni ye abuba songo ti e na Babâ ti e ti yayu so aye e.

17. Gete kandɔ pensé ga lɛma nde ɔ yu yo? Hazu ge nde?

¹⁷ Sara confiance na Jéhovah me pëpe na aye ti sese. Jéhovah amû zendo ti mû na e kobe, bongo nga na ndo ti lango tongana e gi kozoni Royaume ti lo nga e sara ye alingbi na andia ti lo (Ps. 55:22; Mat. 6:33). Tongana e sara confiance na zendo so, e yeke pensé pëpe so aye ti sese ayeke bata e nga ayeke sara si e duti na ngia. E hinga so oko lege ti wara tâ siriri ti bê ayeke ti sara ye so bê ti Jéhovah aye (aPhil. 4:6, 7). Même tongana e peut ti vo gbâ ti aye, a lingbi e bâ wala e yeke biani na ngoi nga na ngangu ti sara kua na ni nga ti bâ lege ni. Eskê aye ti sese so e yeke na ni agbu bê ti e mingi? A lingbi e girisa ape so Nzapa amû na e kua ti sara na yâ ti sewa ti lo. Ye so aye ti fa so a lingbi e zia pëpe si ambeni ye agboto lê ti e. Kite ayeke dä ape so e ye pëpe ti duti tongana maseka-koli so ake ti sara na Jéhovah nga ti tene Jéhovah amû lo ti ga molenge ti lo; lo ke aye so kue ndali ti so lo ye mingi aye ti sese so lo yeke na ni.—Marc 10:17-22.

HIO MƆ KA HIO BEM BƐ JÉHOVAH BE KPAA BIN KPO NƐ KPO

18. Gete gasa privillege nɛ hio dedemɔ wange ka hio wi ka zea nu Jéhovah be kpaa bin kpo nɛ kpo?

¹⁸ Azo so amä yanga ti Jéhovah ayeke wara ande pasa so ahon atanga ni kue: pasa ti ndoye Jéhovah nga ti voro lo teti lakue lakue. Ala so ayeke na beku ti duti na fini na ndö ti sese ayeke duti ande nga na ngia ti bâ lege ti pendere sese so Jéhovah aleke ni nzoni ti tene aduti ndo ti ala. Fafadeso, Royaume ti Nzapa ayeke sara ande si sese nga na aye kue so ayeke na ndö ni akiri aga pendere. Jésus ayeke leke ande akpale kue so aga na peko ti desizion so Adam na Ève amû ti sigi na yâ ti sewa ti Nzapa. Jéhovah ayeke zingo ande azo kutu mingi nga lo yeke mû na ala pasa ti duti na fini lakue lakue nga na nzoni seni na ndö ti sese so aga Paradis (Luc 23:42, 43). Na ngoi so azo so ayeke voro Jéhovah ayeke ga ande mbilimbili-kue, ala kue ayeke wara ‘gloire nga na nengo zo’ so David asara tënë ni.—Ps. 8:5.

19. Getemɔ yo nɛ dedea nde ɔ eli na nde?

¹⁹ Tongana mo yeke na popo ti “azo mingi mingi,” mo yeke na pendere beku. Nzapa aye mo; lo ye ti tene mo duti membre ti sewa ti lo. Tongaso, sara ye kue so mo peut ti sara ti zia ngia na bê ti lo. Lâ oko oko, pensé na azendo ti Nzapa nga zia si aduti na bê ti mo. Bâ na nene ni pasa so mo yeke na ni ti voro Babâ ti e ti yayu so e ye lo mingi nga na beku so mo yeke na ni ti gonda lo teti lakue lakue.