Jan

4 Rété ini épi mwen, èk man ké rété ini épi zòt. Menm manniè branch-lan pé pa pòté fwi tousèl si i pa ka rété adan pié rézen-an, menm manniè a zòt pé pa pòté piès fwi si zòt pa ka rété ini épi mwen. 5 Man sé pié rézen-an, é zòt, zòt sé sé branch-lan. Moun-lan ki ka rété ini épi mwen, é mwen ini épi’y, moun-tala ka pòté anlo fwi ; pas san mwen, zòt pé pa fè ayen. 10 Si zòt ka obéyi koumandman-mwen, zòt ké rété adan lanmou-mwen, menm manniè, mwen-menm, man fè sa Papa-mwen koumandé mwen, é man ka rété adan lanmou’y. 12 Mi lòd-la man ka ba zòt : fòk zòt ni lanmou yonn pou lòt, menm manniè man enmen zòt. 13 Pèsonn pa ni pli gran lanmou pasé moun-lan ki ka ba lavi’y pou zanmi’y. 14 Zòt sé zanmi-mwen si zòt ka suiv lòd man ka ba zòt. 19 Si zòt té ka mélanjé épi monn-lan, monn-lan té ké enmen sa ki ta’y. Men, davwè zòt pa ka mélanjé épi monn-lan, poutan sé an mitan monn-lan man chwézi zòt, mi sé pou sa monn-lan rayi zòt. 20 Sonjé pawòl-la man té di zòt la : An sèvitè pa pli gran pasé mèt-li. Si yo pèsékité mwen, yo ké pèsékité zòt osi ; si yo pratitjé lansèyman-mwen, yo ké pratitjé ta zòt osi.