1 Korentjen
16 Sa vré, sé pa pas man ka anonsé bon nouvèl-la pou man kwè kòmwen, pas sé an bagay man oblijé fè. Wi, malè pou mwen si man pa ka anonsé bon nouvèl-la ! 19 Pas, menmsi man lib douvan tout moun, man désidé vini lèsklav tout moun, pou man pé sa endé plis moun suiv Kris. 20 Pou sé Juif-la, man vini konsidiré man té Juif, pou fè sé Juif-la suiv Kris ; pou moun ki anba Lalwa, man vini konsidiré man té anba Lalwa — poutan mwen menm pa anba Lalwa —, pou fè moun ki anba Lalwa suiv Kris. 21 Pou moun ki san lwa, man vini konsidiré man té san lwa — poutan man pa san lwa parapòt a Bondié, man anba Lalwa Kris —, pou fè moun ki san lwa suiv Kris. 22 Pou moun ki fèb, mwen vini fèb, pou fè moun ki fèb suiv Kris. Man vini tout bagay pou tout kalté moun, pou fè tousa man pé pou sové yonn-dé. 23 Man ka fè tout bagay pou bon nouvèl-la, pou man partajé’y épi dòt moun. 25 Tout sé moun-lan ki adan an konpétision ka métrizé kòyo an tout bagay. Asiré, yo, yo ka fè sa pou risivwè an kouwòn ki ka fennen, men nou, nou ka fè sa pou an kouwòn ki pa ka fennen piès. 26 Kidonk, man ka kouri, men pa san sav koté ; man ka tiré kout tjòk, men sé pa pou bat van ;