Akt

3 Nou rivé douvan lil Chip, nou kité lil-la asou gòch-nou pou nou alé pa koté Siri, épi nou rivé Tir, sé la bato-a té pou déchajé machandiz-li. 4 Nou chèché sé disip-la, épi aprézavwè nou touvé yo, nou rété la sèt jou. Men parapòt a sa lèspri sen té di yo, yo répété Pòl pliziè fwa pa mété pié’y Jérizalèm. 8 Lè landèmen nou viré pati é nou rivé Sézaré. Sé la nou alé bò kay Filip, évanjélizatè-a, sé té yonn adan sé sèt nonm-lan, épi nou rété bò kay-li. 9 I té ni kat tifi ki pa té mayé é ki té ka pwofétizé. 13 I réponn : « Poutji zòt ka pléré, poutji zòt lé fè mwen moli ? Fòk zòt asiré man paré, pa sèlman pou yo mété mwen lajòl, men osi man paré pou mò Jérizalèm an non Senyè-a Jézi. » 14 Kon nou pa té pé fè’y chanjé lidé, nou fini épi sa, épi nou di : « Fòk sé volonté Jéova ki fèt. » 17 Lè nou rivé Jérizalèm, sé frè-a risiwrè nou épi tjè-kontan. 20 Aprézavwè yo tann sa, yo koumansé gloriyé Bondié, men yo di’y : « Frè, fòk ou sav i ni milié épi milié Juif ki vini kwayan, é yo tout cho dèyè Lalwa. 24 Pran yo épi’w, pwopté kò-zòt silon tradision-an épi péyé ba yo pou yo pé razé tèt-yo. Konsa tout moun ké sav tout bri ka kouri anlè’w pa vré piès, men okontrè yo ké sav ou ka maché dwèt, wou osi ou ka obéyi Lalwa.