Akt

6 Antan-tala, té ni plizanpli disip. Sé Juif-la ki té ka palé grèk koumansé malpalé sé Juif-la ki té ka palé ébré, pas yo té ka néglijé sé vèv grèk la lè yo té ka distribié manjé touléjou. 2 Sé Douz-la sanblé tout sé disip-la, épi yo di yo : « Sé pa an bon bagay si nou ka kité pawòl Bondié pou distribié manjé. 3 Kidonk frè, chwézi pami zòt sèt nonm ki ni bon répitasion, ki plen lèspri épi sajès, épi nou ké ba yo fè travay potalan tala ; 4 épi nou, nou kèy kontinié prédié épi ansénié pawòl-la. » 5 Tout moun té dakò pou fè sa, é yo chwazi Étjèn, an nonm ki té ni anpil lafwa épi lèspri sen, é Filip, Pwokò, Nikanò, Timòn, Parménas épi Nikola, an nonm Antiòch ki té konvèti kòy adan rèlijion Juif la. 7 Kifè, yo kontinié simen pawòl Bondié toupatou, épi kantité sé disip-la té ka miltipliyé toubannman Jérizalèm ; é an patjé prèt koumansé ni lafwa. 8 Lè’w gadé, Étjèn ki té plen épi favè Bondié èk puisans, té ka fè mirak épi bagay èstwòdinè douvan pèp-la. 12 Yo chofé pèp-la, sé ansien-an épi sé èspésialis Lalwa-a, épi yo pran’y an trèt, yo tjenbé’y épi yo mennen’y douvan Sannédren-an. 15 É konm yo tout la té asiz adan Sannédren-an ka gadé Étjèn, yo wè fidji’y té kon fidji an zanj.