Jowèl

28 Apré sa, man ké simen lèspri-mwen anlè tout kalté moun. Alò, gason-zòt épi tifi-zòt ké pwofétizé, gran-moun zòt ké révé rèv, é jenn-jan zòt ké wè vizion. 29 É an tan-tala, jis asou èsklav-mwen, nonm épi fanm, man ké simen lèspri-mwen. 30 É man ké fè mirak nan sièl épi asou latè ; i ké ni san, i ké ni difé épi niyaj lafimen. 31 Solèy-la ké vini fè-nwè, é lalin ké tounen san, avan gran jou Jéova-a rivé, an jou èstwòdinè. 32 É tout moun ki ké mété konfians-yo adan non Jéova kèy sové. Sa vré, kon Jéova té di, anlè montann Sion épi adan Jérizalèm, ké ni moun ki chapé, moun ki sové pas Jéova kriyé yo. »