Akt

2 Pandan jou lafèt Lapannkòt-la, yo tout té sanblé menm koté-a. 2 An sèl kou, an bri sòti nan sièl, konsidiré sé té an gran kout van, épi i plen tout kay-la éti yo té asiz. 3 Dé lèspès lang parèt, kon difé, épi yo papiyé, yonn anlè tèt chak moun-lan. 4 Alòs, yo tout vini plen lèspri sen èk yo koumansé palé divès lang, silon sa lèspri-a té ka ba yo chak-la. 5 Pandan sé jou-tala, té ni vré adoratè Bondié ki té Juif ki sòti adan tout nasion oliwon latè, yo té vini pou pasé yonn-dé tan Jérizalèm. 6 Kidonk, lè bri-tala fèt, i ni an foul ki sanblé. Tout moun té èstébékwé, pas yo chak la té ka tann palé adan pwòp lang-yo. 7 Yo té vréman étonnen épi yo té ka di : « Tout sé moun-tala ki la ka palé, sé bien dé moun Galilé ki la, pa vré ? 14 Men Piè doubout èk sé Wonz-lan épi i wosé lavwa pou di : « Nonm Jidé, é zòt tout, moun Jérizalèm, fòk zòt sav épi kouté bien sa man ké di. 15 Sé pa sou sé moun-tala sou, kon zòt ka kwè-a, pas i névè bonmaten. 16 Non, sa ki ka rivé, sé sa pwofèt Jowèl té di : 17 “É adan sé dènié jou-a, Bondié di, man ké simen an pa lèspri-mwen anlè tout kalté moun. Alò, gason-zòt épi tifi-zòt ké pwofétizé, é jenn-jan zòt, ké wè vizion, é gran-moun zòt, ké révé rèv, 18 é an tan-tala, jis asou èsklav-mwen, nonm épi fanm, man ké simen an pa lèspri-mwen, épi yo ké pwofétizé. 19 É man ké fè mirak anwo nan sièl épi sin anba asou latè ; i ké ni san, i ké ni difé épi niyaj lafimen. 20 Solèy-la ké vini fè-nwè, é lalin ké tounen san, avan gran jou Jéova-a rivé, an jou èstwòdinè. 21 É tout moun ki ké mété konfians-yo adan non Jéova kèy sové.” 22 « Nonm péyi Izrayèl, kouté sé pawòl-tala : Jézi Nazaréyen-an, sé an nonm Bondié vréyé. É sa parèt an manniè klè lè Bondié fè’y fè bagay èstwòdinè, épi mirak, épi sin ki fèt an mitan zòt, kon zòt sav zòt menm. 32 Bondié résisité Jézi-tala, é nou tout témwen di sa. 37 Lè yo tann sa, tjè-yo fann, èk yo mandé Piè épi sé lézòt apòt-la : « Nonm, frè, kisa nou pou fè ? » 38 Piè di yo : « Fodré zòt ripanti, fodré zòt chak-la pran batenm-lan an non Jézikri pou péché-zòt pé sa padonnen, épi zòt ké risivwè lèspri sen pou kado.