Miché

2 Anlo nasion ké vini la, épi yo ké di :« Vini ! Annou monté anlè montann Jéova-a, kay Bondié Jakòb-la. I ké fè nou konnèt chimen’y é nou ké suiv larèl-li. » Pas sé Sion lalwa-a ké sòti, pawòl Jéova-a sé Jérizalèm i ké sòti. 3 I ké rann jistis nan mitan anlo pèp, èk i ké mété lòd nan mitan nasion ki fò é ki lwen. Yo ké ba lépé-yo mato pou yo tounen zouti pou labouré latè, épi lans-yo tou pou yo tounen fosi. An nasion pé ké pran lépé’y ankò kont an lòt nasion, é yo pé ké aprann fè ladjè ankò. 4 Yo kèy asiz, chak la anba pié rézen-yo èk pié fig-yo, pa an moun pé ké pé fè yo pè, pas sé bouch Jéova Chèf lawmé ki di’y. 5 Tout sé pèp-la ké maché yo chak la an non bondié-yo, men nou, nou ké maché an non Jéova Bondié-nou, pou tout tan.