Détéwonòm

29 « Si, pandan zòt la, zòt ka chèché Jéova Bondié-zòt, si zòt ka chèché’y épi tout tjè-zòt épi tout nanm-zòt, asiré zòt ké touvé’y. 30 Lè, an bout périòd-tala, zòt ké adan an gran soufwans épi tout sé bagay-tala ké ja rivé zòt, sé la zòt ké viré-vini obò Jéova Bondié-zòt pou zòt kouté vwa’y. 31 Pas Jéova Bondié-zòt, sé an Bondié ki plen lanmizérikòd. I pé ké ladjé zòt é i pé ké détwi zòt non pli, é i pé ké bliyé lalians-lan i té jiré rèspèkté lè i té palé épi zansèt-zòt. 39 Sav dépi jòdi-a épi sonjé, sé Jéova ki vré Bondié-a, ki nan sièl, ki asou latè. Pa ni dòt.