Jénèz

27 An jou, lè Izaak té ja vié épi i pa té ka wè ayen ankò, i kriyé prèmié yich-li Ézayi, é i di’y konsa : « Yich-mwen ! » Ézayi réponn li : « Mi mwen ! » 2 Izaak di’y : « Mi aprézan laj-la monté anlè mwen, é man pa sav konben tan ankò man ké viv. 3 Kidonk aprézan, ay pran zam-ou, sak flèch-ou épi lark-ou a, ay an savann-lan épi chasé an jibié ba mwen, souplé. 4 Apré, préparé ba mwen an bon ti manjé, an manjé man enmen, épi mennen’y ba mwen. Man ké manjé’y é man ké béni’w avan man mò. » 46 Aprésa, Rébéka pa té ka las di Izaak : « Man bon épi sé tifi Èt-la. Man simen mò pasé man wè Jakòb mayé épi an Itit, ki menm jan épi sé tifi-tala ki an péyi-a ! »