Jénèz

5 Plita, Jozèf fè an rèv é i rakonté’y ba sé frè’y la, é yo vini rayi’y plis ankò. 6 I di yo : « Souplé, kouté rèv-la man fè a : 7 Nou té la ka maré bòt-zèb an mitan chan-an. Épi bòt-zèb mwen an lévé épi doubout, épi sé ta zòt la vini alantou’y épi bésé tèt-yo douvan’y. » 8 Sé frè’y la di’y : « Ou lé di, ou ké vini wa anlè nou, épi ou ké dominé anlè nou ? » Sé té an rézon anplis pou yo rayi’y, palakòz rèv-la épi sa i té di yo. 9 Apré sa, i fè an lòt rèv, tala osi i rakonté’y ba sé frè’y la : « Man fè an lòt rèv. Kou-tala, solèy-la, lalin-lan épi 11 zétwèl bésé tèt-yo douvan mwen. » 10 I rakonté’y ba papa’y osi. Men papa’y ripwoché’y. I di’y : « Kisa rèv-ou a lé di ? Ès mwen menm, manman’w épi sé frè’w la, nou ké ajounou atè douvan’w poubon ? » 11 Sé frè’y la vini jalou’y, men papa’y gadé sé pawòl-tala adan lèspri’y.