Sòm

3 Sa nou tann é sa nou konnèt, sa papa-nou rakonté nou, 4 nou pé ké séré sa ba yich-yo ; nou ké rakonté ba jénérasion-an ka vini an aksion Jéova ki mérité louwanj épi fòs-li, bèl bagay èstwòdinè i fè. 5 I té établi an rapèl pou Jakòb é i té mété an lwa ba Izrayèl ; i té ba zansèt-nou lòd fè konnèt timanmay-yo sé bagay-tala, 6 pou jénérasion-an ka vini an, sé timanmay-la ki pou nèt, konnèt sa. É konsa, yo osi kèy pé rakonté timanmay-yo sé bagay-tala. 22 pas yo pa té ni lafwa an Bondié, pas yo pa té ni konfians i té kapab sové yo. 24 I té ka fè lamàn tonbé kon lapli pou yo manjé ; i fè grenn sòti an sièl-la ba yo. 25 Lézòm manjé pen kréyati ki puisan ; i ba yo asé manjé pou rasazié yo. 39 Pas i té ka sonjé yo té fèt épi lachè, sé kon an souf ki ka pasé é ki pa ka rivini. 40 Konben fwa yo lévé kont li adan dézè-a, konben fwa yo fè’y lapenn adan sé tè sèk la ! 41 Tout lè yo té ka tèsté Bondié, yo fè dlo sòti an zié Sen Izrayèl-la.