Danièl

2 I té ni twa gwo fonksionnè anlè tèt-yo, adan yo té ni Danièl ; é sé ba yo sé satrap-la té pou rann kont, pou pwotéjé lentéré wa-a. 6 Sé gwo fonksionnè-a é sé satrap-la antré a pliziè kay wa-a épi yo di’y : « O wa Darius, nou sé lé ou viv pou toujou. 8 Aprézan, o wa, nou sé voudré ou konfirmé lwa-a épi siyen’y pou yo pa chanjé’y, pas lalwa sé Mèd-la épi sé Pèws-la pé pa anilé. » 10 Dépi Danièl rivé sav yo té siyé lwa-a, i rantré lakay-li ; chanm-li, ki té anlè twa-a, té ni finèt ki té ouvè an dirèksion Jérizalèm. É twa fwa an jounen-an, kon i té ni labitid fè avan, i ajounou, i prédié épi i louwé Bondié’y. 13 Lamenm yo di wa-a : « Danièl, yonn adan sé lèkzilé Jida-a, pa tjenn kont ni di wou, o wa, ni di lentèwdiksion-an ou siyen-an : i ka prédié twa fwa an jounen-an. » 15 Anfinaldikont, sé mésié-a débatjé a pliziè kay wa-a épi yo di’y : « Bien sonjé, o wa, dapré lalwa sé Mèd-la épi sé Pèws-la, tout lentèwdiksion épi tout lwa wa-a mété, yo pé pa chanjé’y. » 16 Alò, wa-a ba lòd, yo ay chèché Danièl épi yo jété’y adan fòs sé lion-an. Wa-a di Danièl konsa : « Bondié’w, li ou ka sèvi san rété, i kèy sové’w. » 21 Lamenm Danièl réponn wa-a : « O wa, man sé lé ou viv pou toujou. 22 Bondié-mwen vréyé zanj-li épi i fèmen djòl sé lion-an. Yo pa fè mwen ayen, pas man inosan an zié Bondié ; é man pa fè’w piès ditò, o wa. » 26 Man ka ba lòd pou tout koté adan wayòm-mwen, latranblad pran moun douvan Bondié Danièl-la. Pas li, sé Bondié vivan-an é i ka viv pou tout tan. Wayòm-li pé ké janmen disparèt, èk dominasion’y pé ké janmen bout. 27 I ka pòté soukou, i ka sové, i ka fè bagay sirnatirèl épi mirak an sièl, épi anlè latè, pas i sové Danièl anba grif sé lion-an. »