Matié

3 An jou, Jan Lèbatis vini préché adan dézè Jidé-a, 2 é i té ka di : « Ripanti kòzòt, pas wayòm sièl-la vini pli pré. » 3 Sé di’y pwofèt Izayi té ka palé lè i di : « Vwa an moun ka rélé adan dézè-a : “Paré chimen-an ba Jéova ! Ranjé chimen-an ba’y !” » 4 Jan té ni an rad ki té fèt épi pwèl chamo, é ren’y té maré épi an senti an tjui. I té ka manjé kritjèt épi mièl sovaj. 5 Moun ki té ka rété Jérizalèm, Lajidé épi tout oliwon Jouden-an té ka vini bò’y 6 épi Jan té ka batizé yo adan dlo Jouden-an, toupandan yo té ka rikonnèt douvan tout moun péché-yo. 7 Lè i wè i té ni anpil farizien èk sadiséyen ki té ka vini pran batenm, i di yo : « Bann vipè, ki moun ki di zòt, zòt ké pé pran kouri douvan kòlè Bondié ki ka vini ? 8 Pòté fwi ki ka montré zòt ka ripanti kòzòt. 9 Pa konprann zòt pé anni di : “Papa-nou, sé Abraam.” Pas man ka di zòt, Bondié pé sèvi sé wòch-tala pou ba Abraam yich. 10 Rach-la ja an rasin sé piébwa-a. Tout piébwa ki pa ka pòté bèl fwi, yo kèy koupé’y épi jété’y an difé. 13 Apré sa, Jézi sòti Galilé pou rivé bò Jouden-an pou Jan batizé’y. 14 Men Jan té lé anpéché’y fè sa. I di’y : « Sé mwen ki bizwen ou batizé mwen, é sé wou ki ka vini bò mwen ? » 15 Jézi réponn li : « Kité sa fèt konsa kou-tala, pas sé konsa nou pou fè tousa ki jis. » Alò i pa chèché anpéché’y ankò. 16 Apré Jan fini batizé Jézi, lamenm Jézi lévé an dlo-a. Alò sièl-la wouvè, é i wè lèspri Bondié désann kon an kolonb, épi vini anlè’y. 17 Anplis di sa, an vwa ki sòti an sièl-la di : « Mi Yich-mwen, sé pa ti enmen man enmen’y, mwen kontan’y menm. »