Lik

19 Apré sa, i antré Jériko épi i mété kòy ka travèsé vil-la. 2 La, té ni an nonm yo té ka kriyé Zaché. I té chèf anlè moun ki té ka ranmasé lajan lenpo, é i té rich. 3 I té ka éséyé wè ki moun ki té Jézi, men i pa té ka rivé wè’y pas té ni anlo moun, é i té tou kout. 4 Kidonk, i kouri douvan épi i monté adan an pié sikomò pou i pé sa wè’y, pas i té pou pasé pa la. 5 Lè Jézi rivé koté-tala, i lévé zié’y épi i di’y : « Zaché, fè vit désann atè, pas jòdi-a sé lakay-ou man ké rété. » 6 Alò, Zaché désann lamenm é i risivwè’y lakay-li épi tjè-kontan. 7 Lè sé moun-lan wè sa, yo tout koumansé bougonnen : « Sé lakay an moun ki péchè i mandé pou rété. » 8 Men Zaché doubout épi i di Senyè-a : « Gadé, Senyè ! Man ké ba sé pòv-la lanmwatié sa man ni, é kisiswa sa man vòlè an lanmen an moun, man ké viré ba’y kat fwa plis. » 9 Alò Jézi di’y : « Jòdi-a, nonm-tala épi fanmiy-li sové, pas li osi i sé an yich Abraam. 10 Pas Yich nonm-lan vini chèché épi sové sa ki té pèdi. » 47 Chak jou, i té ka ansénié adan Tanp-lan. Sé chèf sé prèt-la, épi sé èspésialis Lalwa-a, épi osi sé chèf pèp-la té ka chèché an manniè pou tjwé’y.