Jan

9 Toupandan i té ka pasé, i wè an nonm ki né avèg. 2 É sé disip-li a mandé’y : « Rabi, ki moun ki péché, nonm-tala ouben paran’y, pou i né avèg ? » 3 Jézi réponn : « Sé pa ni li ni paran’y ki péché, men sé pou tout moun wè travay Bondié adan sitiyasion’y. 4 Fòk nou fè travay Moun-lan ki vréyé mwen an pandan lajounen, pas lannuit ka vini éti pèsonn pé pa travay. 5 Tout tan man adan monn-lan, sé mwen ki limiè monn-lan. » 6 Apré i di sa, i kraché atè-a, i fè tibren labou épi kracha’y épi i mété’y anlè zié nonm-lan, 7 épi i di’y : « Alé lavé zié’w adan basen Siloé-a » (mo-tala lé di « vréyé »). I pati lavé zié’y, épi i viré ka wè klè. 35 Jézi aprann yo té jété’y déwò, é lè i viré jwenn li, i mandé’y : « Ès ou ni lafwa adan Yich nonm-lan ? » 36 Nonm-lan réponn : « Men sé ki moun, senyè, pou man ni lafwa an li ? » 37 Jézi di’y : « Ou wè’y. Pou vré, sé li ki la ka palé épi’w. » 38 I di : « Wi, man ni lafwa an li, Senyè. » Épi i ajounou douvan’y.