Jan

3 Jézi té sav Papa’y té mété tout bagay an lanmen’y. I té sav tou Bondié té vréyé’y é i té ké ritounen bò Bondié. 4 Alò, i lévé toupandan yo té ka manjé, épi i tiré rad-la ki té asou lenj-li. I pran an sèvièt épi i maré ren’y. 5 Apré sa, i mété dlo adan an basin é i koumansé lavé pié sé disip-li a. É i té ka suiyé pié-yo épi sèvièt-la i té maré an ren’y. 12 Lè i fini lavé pié-yo épi i viré mété lenj-li anlè’y, i viré lonjé bò tab-la épi i di yo : « Ès zòt konprann sa man fini fè a ? 13 Zòt ka kriyé mwen “Ansénian” épi “Senyè”, é zòt ni rézon, pas sé sa man yé. 14 Kidonk, si mwen ki Senyè-a épi Ansénian-an, man lavé pié-zòt, zòt osi, fòk yonn lavé pié lòt. 15 Pas man ba zòt lèkzanp, pou zòt osi, zòt fè menm bagay-la man fè ba zòt. 23 Yonn pami sé disip-la, tala Jézi té enmen, té lonjé bò Jézi. 34 Man ka ba zòt an koumandman ki nouvo : zòt pou enmen kòzòt yonn lòt ; menm manniè man té enmen zòt, zòt tou, zòt pou enmen kòzòt yonn lòt. 35 Konsa tout moun kay sav zòt sé disip-mwen : si zòt ni lanmou yonn pou lòt. »