Matié

9 Anplis, sé moun-lan ki té ka maché douvan’y é sé moun-lan ki té ka suiv li té ka kriyé : « Wou ki Yich David, souplé sové nou ! Bénédision pou moun-lan ki ka vini an non Jéova ! Wou ki wo an sièl-la, souplé, sové’y ! » 12 Jézi antré adan Tanp-lan épi i mété déwò tout sé moun-lan ki té la pou vann oben pou achté. I ranvèsé tab sé moun-lan ki té ka chanjé lajan épi ban sé moun-lan ki té ka vann kolonb. 13 É i di yo : « Mi sa ki matjé : “Yo kéy kriyé kay-mwen an kay lapriyè”, men zòt ka fè an kavenn volè épi’y. » 16 épi yo di Jézi : « Ou ka tann sa yo ka di ? » Jézi réponn yo : « Wi. Zòt pa jen li sa ki matjé : “Sé an bouch timanmay é ti bébé ou fè louwanj sòti” ? » 21 Jézi réponn yo : « Fwanch vérité man ka di zòt, si zòt ni lafwa, san piès dout, sé pa sa man fè pié fig-la zòt ké sa fè sèlman. Men si zòt jik di montann-tala : “Lévé épi jété kòw an lanmè”, sé sa ki ké fèt. 22 É tousa zòt ké mandé adan lapriyè épi lafwa, zòt ké trapé. »