Danièl

4 Yo bwè diven, épi yo gloriyé sé bondié-a ki fèt épi lò, lajan, tjuiv, fè, bwa, épi wòch. 7 Wa-a rélé pou fè sé Kaldéyen-an, sé astwològ-la épi sé séyansié-a antré, épi mi sé sa i di sé moun saj Babilòn-lan : « Moun-lan ki kèy sa li sa ki matjé la, é ki kèy ba mwen sans-lan, man kèy fè yo mété ba’y an rad violèt, an chenn an lò an kou’y, épi i kèy vini twazièm moun pli enpòtan an wayòm-lan. » 10 Lè rèn-lan aprann sa wa-a épi sé gran jan-an té ka di, i antré an sal bantjé-a. I di konsa : « O wa, man sé lé ou viv pou tout tan. Pa kité lapè anparé’w, pa vini blenm. 11 I ni an misié adan wayòm-ou ki ni lèspri sé bondié sen-an andidan’y. An tan papa’w, nou touvé i té ni bon jijman, i té filé é i té ni menm sajès sé bondié-a. Papa’w, wa Nabikodonozò, mété’y chèf asou sé prèt-majisien-an, sé séyansié-a, sé Kaldéyen-an épi sé astwològ-la ; wi, sé sa papa’w fè, o wa. 12 Pou vré, Dannièl, wa-a té ba’y non Bèlchatza, té ni an lèspri èstwòdinè, i té ni lakonésans épi i té filé pou ba sans sé rèv-la, èsplitjé titim épi démélé pwoblèm konplitjé. Kidonk, fè kriyé Dannièl, é i kèy ba’w sans sa ki matjé la. » 13 Alòs yo mennen Dannièl vini douvan wa-a. Wa-a mandé’y : « Ès sé wou Dannièl, yonn adan sé èkzilé Jida-a, papa-mwen wa-a fè vini isiya ? 16 Man tann di, ou pé ba sans épi démélé pwoblèm ki rèd. Alòs, si ou pé li sa ki matjé la, épi si ou ka ba mwen sans-lan, yo ké abiyé’w épi an rad violèt, yo ké mété an chenn an lò an kou’w, é ou ké vini twazièm moun-lan pli enpòtan an wayòm-lan. » 17 Danièl réponn wa-a : « Ou pé gadé sé kado’w la, é ba dòt moun yo. Men sav, man ké li ba wa-a sa ki matjé, é man ké ba’y sans-li. 18 Kantapou wou, o wa, Bondié Pli Wo-a ba papa’w, Nabikodonozò, wayòm, woté, lonnè épi prèstans. 20 Men lè tjè’y vini plen épi lògèy, i antété kòy menm, i konprann i té ni twòp wotè, yo tiré twòn wayòm-li anba’y, é yo fè’y pèd dinité’y. 22 « Men wou, Baltaza yich-li, ou té abo sav sa, ou pa fè tjè’w rété toupiti. 23 Okontrè, ou fè lèstonmak anlè Senyè-a ki nan sièl-la é ou ba lòd pou yo mennen ba’w tout pòt ki té ni kay-li. Apré sa, wou, gran jan’w, kontjibin-ou épi sé dézièm madanm-ou, zòt bwè diven adan sa é zòt gloriyé bondié-zòt ki fèt épi lajan, lò, tjuiv, fè, bwa épi wòch, dé bondié ki pa ka wè ayen, ki pa ka tann ayen épi ki pa konnèt ayen. Men Bondié-a menm ki ni pouvwa asou lavi’w épi asou tousa ou ka fè, ou pa gloriyé’y. 24 Mi sé pou sa i vréyé an lanmen pou ékri pawòl-la ki matjé la. 25 É mi sa ki matjé : MÉNÉ, MÉNÉ, TÉKÈL é PARSIN. 26 « Mi sans sé mo-a : MÉNÉ : Bondié konté jou wayòm-ou é i désidé bout li. 27 « TÉKÈL : yo pézé’w adan balans-lan, é ou pa asé lou. 28 « PÉRÈS : yo séparé wayòm-ou é sé moun Lamédi épi Lapèws yo ba’y li. »