2 Wa

5 Naamàn, chèf lawmé wa Siri-a, té an nonm enpòwtan. Wa-a té enmen’y anlo, pas Jéova té sèvi’y pou sové péyi Siri. Men gran djérié-tala té ni lalèp. 2 Pandan lawmé sé Sirien-an té sòti pou ataké Izayèl, yo chayé an tifi ki vini sèvant madanm Naamàn. 3 An jou tifi-a di métrès-li : « Si sèlman mèt-mwen té ka alé wè pwofèt-la ki Lasamari ! Alò i té kèy djéri’y. » 10 Men Élizé vréyé an mésajé pou di’y : « Ay benyen sèt fwa adan Jouden-an ; lachè’w ké viré kon avan é ou ké djéri. » 11 Alè-tala, Naamàn lévé faché, i tounen do’y ka di : « Man té di kòmwen : “I ké sòti risivrè mwen, i ké doubout douvan mwen. Apré i ké prédié Jéova Bondié’y épi i ké pasé lanmen’y asou lèp-la pou djéri mwen.” 12 Ès Labana épi Farpar, lariviè Damas, pa pli méyè pasé tout dlo ka koulé Izrayèl ? Ès man pé pa anni benyen adan pou djéri ? » Kidonk i tounen do’y, pati mouch wouj. 13 Men sèvitè’y vini wè’y èk yo di’y : « Senyè, si pwofèt-la té mandé’w an bagay rèd pou fè, ou té ké kouté’y, pa vré ? Kidonk poutji ou pa ka kouté’y, lè i ka di’w toubonnman : “Benyen kòw, ou ké djéri” ? » 14 Kifè, Naamàn désann adan Jouden-an épi i plonjé kòy sèt fwa, kon nonm vré Bondié-a té mandé’y. Alòs, lachè’y vini kon lachè an ti-gason, é i djéri. 15 Apré, Naamàn ritounen kay nonm vré Bondié-a, épi tout sòlda’y. I mété kòy doubout douvan’y épi i di’y : « Atjèlman, man asiré sèten sèl koté i ni an Bondié asou tout latè sé an Izrayèl. Souplé, kité mwen ofè’w an kado. »