2 Piè

5 Pou rézon-tala menm, fè tousa zòt pé pou mété asou lafwa-zòt lanmou pou sa ki bien, asou lanmou-zòt pou sa ki bien lakonésans, 6 asou konésans-zòt lamétriz, asou métriz-zòt landirans, asou landirans-zòt lanmou pou Bondié, 7 asou lanmou-zòt pou Bondié afèksion pou frè-zòt, asou afèksion pou frè-zòt lanmou. 8 Pas si zòt ni sé kalité-tala andidan zòt an gran bondans, yo ké anpéché zòt rété san fè ayen, oben san pòté fwi parapòt a konésans èkzak di Senyè-nou Jézikri. 12 Sé poutji man toujou paré pou fè zòt sonjé sé bagay-tala, magré zòt ja konnèt yo é magré zòt ja doubout solid adan lavérité ki andidan zòt menm. 13 Men ba mwen sa nòwmal, raplé zòt yonn-dé bagay pou ankourajé zòt, tout tan mwen adan tabèrnak-tala, 20 Pas, déja-pou-yonn, zòt sav pa ni piès pwofési Lékriti-a ka sòti adan lèspri an moun. 21 Sa vré, sé pa piès volonté nonm ki fè si i ni pwofési, men sé lèspri sen ki pousé yo anonsé pawòl ki ka vini di Bondié.