Ègzòd

7 Apré Moyiz pran tant-li épi i enstalé’y an déwò kan-an, tibren pli lwen, épi i kriyé’y tant réyinion-an. Tout sé moun-lan ki té lé entéwojé Jéova té pou sòti pou alé pa koté tant réyinion-an ki té an déwò kan-an. 8 Dépi Moyiz té ka sòti pou alé an tant-lan, tout pèp-la té ka lévé, é chak moun té ka doubout douvan pwòp tant-li é ka gadé Moyiz jiktan i antré an tant-lan. 9 Dépi Moyiz té ka antré an tant-lan, kolòn niyaj-la té ka désann épi té ka rété an lapòt tant-lan pandan Bondié té ka palé épi Moyiz. 10 Lè tout pèp-la té ka wè kolòn niyaj-la ki té an lapòt tant-lan, chak moun té ka ajounou douvan lapòt tant-li. 11 Jéova té ka palé épi Moyiz fasafas, kon an nonm ka palé épi an lòt nonm. Lè Moyiz té ka viré adan kan-an, asistan’y Jozié, yich Noun, pa té ka kité tant-lan. 13 Souplé, si ou ka gadé mwen épi favè, fè mwen konnèt chimen ou ka pran, pou man pé sa konnèt ou èk pou man kontinié ni favè’w. Épi sonjé pèp-tala sé ta’w. »